逃亡大計2

史泰龍《逃亡大計2》冇阿諾 加入中國男星網民唔like?

最新娛聞

廣告

由兩大殿堂級動作巨星史泰龍及阿諾舒華辛力加主演的《逃亡大計》,2013年上映時橫掃全球逾10億票房,事隔五年終於有續集睇,《逃亡大計2》將於6月28日於香港上映!不過今集就無咗阿諾,改為呢位中國男星擔正,網民就似乎唔多滿意……

撰文:東方新地|圖片:新傳媒、電影劇照、Instagram

《逃亡大計》橫掃逾10億票房

2013年的《逃亡大計》,由兩大殿堂級動作巨星史泰龍以以及阿諾舒華辛力加主演,全球勁收超過10億票房!電影講述史泰龍飾演的監獄安普專家,曾於多座高度設防的監獄中逃脫,不過之後喺一次逃獄任務中被奸人所害,所以就同神秘囚犯阿諾合力逃出生天!

兩位老牌巨星合作,當然有大量火爆場面,連場動作戲和槍戰少不了,雖然史泰龍同阿諾基年紀都真係唔輕,劇情又唔算好有新意,不過相信粉絲們都唔介意,睇得非常過癮!

《逃亡大計2》黃曉明加入

電影第一集講述逃獄專家史泰龍解破重重機關,成功逃出監獄,今集史泰龍再次歸隊,殺入高科技隱藏監獄-「黃泉」(Hades),拯救被困的入室弟子黃曉明!宣傳片中見到曉明大哥似乎幾重戲份,今次真係紅出國際?

黃曉明一貫地Chok晒樣,亦有連場動作場面!

網民唔多like?

黃曉明今次原音講英語對白,武打戲親身上陣,打到飛起。不過有唔少網民都話由阿諾變成黃曉明似乎差太遠,睇戲意欲大減,好想阿諾回歸呀!

由宣傳片可見,史泰龍親身深入虎穴救愛徒,相信又會有連番精密計劃以及鬥智鬥力的情節,唔知今次唥橋段會唔會比上集更出色?

《銀河守護隊》大隻佬幫拖

雖然冇咗阿諾舒華辛力加,不過今集電影將有另一位大隻佬Dave Bautista加入,大家望到佢個樣同聽到把聲都可能覺得好熟悉,因為佢之前曾飾演《銀河守護隊》系列中的達拉斯(Drax),亦有演出《復仇者聯盟3》。

Drax 喺《復仇者聯盟3》都有唔少戲份,而且爆出唔少笑料,扮「隱形人」一幕相信大家都歷歷在目……

史泰龍大讚曉明大哥

《逃亡大計2》拍攝期間,史泰龍都有喺社交網站上載同黃曉明的合照,大讚曉明大哥非常特別又有才華,兩人共渡了非常愉快的時光!

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

關鍵詞
黃曉明