連詩雅浸浴晒滑腿

連詩雅(Shiga)拍新MV〈血一般紅〉，Shiga以淡妝拍浸浴場面，期間更晒白滑香肩及長腿，十分誘人！為拍MV，Shiga特意剪短頭髮，形象耳目一新！雖然Shiga本身好愛浸浴，但拍攝當日要浸足四粒鐘，仲唔可以起身，事後狂呻：「一開始真係驚好凍，慢慢適應咗溫度之後，就開始發現原來冇想像中咁舒服，拍咗一粒鐘之後開始皺皮，最後用咗四粒鐘先拍完，手手腳腳都麻痹晒，我諗我之後都唔敢再浸浴住喇。」

Shiga之後再戴上短假髮拍攝，更要咬男model耳仔，拍到面紅紅，Shiga笑言：「其實唔係因為要咬耳仔而面紅，雖然係有啲好尷尬，但因為浸咗好多個鐘熱水，所以成身都浸到紅晒，結果全場同事都笑我做咩面紅，好彩嗰位男model都好好人叫我放鬆啲冇嘢嘅，最後順利一take拍完。」

如欲率先接收資訊，請讚好我們的FB專頁並於「已讚好」選單設定「搶先看」，多謝支持。

網址：www.facebook.com/orientalsundayhk