郭富城連場勁歌熱舞 瘋狂托眼鏡亦不失霸氣
廣告
早前《勁歌金曲》頒獎禮令唔少人失望，大卡士欠奉，後來叱咤頒獎禮上霆鋒驚喜現身加分不少，而今年踏入40週年的香港電台十大中文金曲，昨晚更邀請了郭富城、譚詠麟、陳奕迅等巨星嘉賓，舞台王者城城帶來連場勁歌熱舞，又唱又跳五分鐘氣都唔喘，唱〈唱這歌〉時更攞埋副黑超出來，不過搞咩要係咁托眼鏡先？
郭富城連場勁歌熱舞
郭富城昨晚驚喜現身《第40屆十大中文金曲－我和你音樂會》，著上型仔西裝帶來勁歌熱舞，唱出三首超經典快歌〈對你愛不完〉、〈狂野之城〉及〈唱這歌〉，又唱又跳五分鐘氣都唔喘，完全無話要咪嘴，舞王確係非同凡響！
52歲又如何，對郭富城嚟講都只係一個數字啫！
瘋狂托眼鏡亦不失霸氣
郭富城舞技當然不庸置疑，不過佢喺表演〈唱這歌〉時戴上黑超，之後見到佢企定定擺甫士托一托眼鏡、單手揸咪時又托一托，連勁歌熱舞途中都托一托，短短一首〈唱這歌〉，小編留意到城城托黑超托咗15次之多！唔通副超太鬆係咁跌？
不過舞王城城厲害之處，就係瘋狂托眼鏡都不失霸氣，完全無阻佢型爆咁跳舞！
將來還有什麼演唱會值得留意？
有不少歌手宣布舉辦演唱會，小編為你整合了2023香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
