鄭嘉穎

鄭嘉穎收後輩利是 幾時同陳凱琳結婚生B?

最新娛聞

廣告

新年流流去團拜逗利是好正常,甜到漏的陳凱琳去到邊逗到邊,收利是收到手軟,不過佢男友鄭嘉穎呢,都就快成50歲人仲收利是就有啲尷尬喇,唔知幾時會見到佢改為同陳凱琳齊齊派利是呢?

撰文:東方新地

鄭嘉穎收後輩利是

早前陳凱琳接受本刊記者訪問透露鄭嘉穎細心冧爆其父,陳凱琳呢日又同鄭嘉穎去姊妹團拜,賴慰玲喺IG度甫咗幾張相,寫住:「帶Marat去逗利是,要派利是畀鄭生陳小姐」,有啲暗示咁喎!其中一張相睇到嘉穎笑住收人妻賴慰玲同陳嘉寶利是,雖然擠出燦爛嘅笑容,但論資排輩,嘉穎點都係前輩,真係有啲尷尬!

鄭嘉穎父愛爆棚

不過嘉穎抱住契仔Marat影相就父愛盡現,好有愛!陳凱琳仲話見到契仔Marat冧晒,個心都融化了,佢同嘉穎仲不時爭住抱B,既然兩位都咁鍾意BB,幾時生B兼派利是呢?

陳凱琳讚嘉穎孝順

陳凱琳接受本刊訪問時,大讚嘉穎的過人之處多到數唔晒,不過孝順肯定是優點之最,陳凱琳:「好孝順!佢(鄭嘉穎)真係好孝順,佢同我講賺錢都係為咗養媽咪同家姐,一個人賺錢養全家。我最鍾意佢嘅性格,唔會表面一樣嘢,內裡又另一樣嘢,呢個真性情我係好欣賞。佢對外界有時會起槓係因為佢以往嘅經歷所以想保護自己,佢本身真係一個好nice嘅人。」

陳凱琳爆嘉穎厚禮冧父

陳凱琳更自爆嘉穎曾買紅酒氹其父:「我Daddy好鍾意飲紅酒嘅,嗰時啱啱拍拖都希望Daddy對嘉穎印象好,見面前嘉穎問我Daddy鍾意啲咩?我略略提過佢鍾意飲紅酒囉!佢聽完好似冇嘢咁只係『哦』咗聲。到第一次食飯佢就買咗支好貴嘅紅酒,我Daddy收到時好似冇嘢咁望一望話:『哦!多謝你呀!』然後擺低支酒。當嘉穎出去洗手間時,Daddy再攞起支酒話:『嘩!靚嘢喎!』跟住我真係好開心呀!大家都開心,Why not?」問陳凱琳嘉穎是否她的Mr. Right,佢秒答:「Absolutely!(肯定)」隨即摸住凳連講二次「Touch Wood!」如無意外嫁硬啦!

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!