鄭秀文

大坑舞火龍!鄭秀文 鍾鎮濤 提早過中秋

最新娛聞

廣告

邊個話只得荷里活製作至識得認真?其實好多港產片一樣一絲不苟值得支持,好似由Sammi鄭秀文、任賢齊、B哥鍾鎮濤主演,許鞍華監製、麥曦茵執導兼任編劇嘅新戲《花椒之味》,日前就喺大坑提前幾個月重現中秋舞火龍盛況!

撰文:東方新地|圖片:新傳媒圖片庫、Sammi IGB哥IG

鄭秀文 鍾鎮濤 各有打氣團

今次Sammi同B哥佢哋喺大坑提早過中秋,出動火龍上陣,加上拍攝工作人員及臨時演員,約有80人齊集,像真度高,陣仗大到小編行經都以為去咗平行時空:「乜咁快又到中秋喇?」

做咗咁多準備功夫、又有兩大主角Sammi同B哥戲份,場戲當然係重頭,拍足成晚有排都未有得收。好彩Sammi同B哥各有打氣團,一個有合作多年經理人郭啟華同助手Eleanor傍住,另一個就有老婆范姜同囡囡鍾嘉晴探班,咁就再辛苦都大把愛、大把動力啦!

飾演火鍋店老闆娘的Sammi同戲中同父異母妹妹台星賴雅妍(右二)、內地演員李曉峰(右一)拍完一個shot即刻圍埋一齊睇回帶。

三女係鍾鎮濤分別同三個女人生的女兒,關係錯綜複雜。

下個Shot輪到同B哥一齊「賽後檢討」,就見到兩個睇到入神的男女主角身後,有跟得夫人范姜舉機影花絮。

老婆同愛女鍾嘉晴一場嚟到探班,B哥都係打聲招呼就又埋位繼續拍攝,絕對唔會分心。

B哥 眼水直標

前一秒仲係眼仔碌碌、四十年如一日型佬樣,後一秒B哥已經被火龍煙到眼水直標,都話做演員一啲都唔容易。

Sammi在戲中角色內歛,一晚之內又要拍兩場戲、換兩個look,Sammi扮完強勢老闆娘,轉個頭又變落寞呆站的中女,欲哭無淚個樣好戲到極點。

Sammi 自娛自樂

拍戲最辛苦都係成晚流流長大半時間都要攞嚟等,好彩Sammi識自娛,企埋一邊表情多多。

劇組一絲不苟動用大量人力物力提早幾個月呈現大坑舞火龍盛況,認真唔簡單。

飾演大家姐的Sammi與小齊16年後再度攜手合作,Sammi與小齊異口同聲表示二人是繼02年《嫁個有錢人》後再續前緣,合作機會難逢!

同監製許鞍華、導演兼編劇麥曦茵合照!

鍾鎮濤 Kenny Bee(@bggkenny)分享的貼文 張貼

《刑事偵緝檔案》系列重播 Sammi成亮點

無綫重播舊劇《刑事偵緝檔案》系列,再一次引起深夜追劇熱潮。當中Sammi鄭秀文於《刑事II》第31集出場,是張大勇(陶大宇飾)學生時代的暗戀對象。

也曾是王志滔(張兆輝飾)之情婦。

後來竟然同義仔(梁榮忠飾)撻著!

拋下以前的baby fat,Sammi近年愈來愈fit,很瘦!跟以前很大對比呢!

Sammi Cheng Sau Man(@sammi_chengsauman)分享的貼文 張貼

Sammi拍片示範 紫洋葱天然止咳 增強免疫力

流感肆虐,大家身邊都有不少親朋好友病倒了,就連Sammi鄭秀文也不例外。早前新年期間,她便在自己的個人IG上透露由於家中有親密的人生病,需要謹慎提防自己是否是一個「高危人士」,因此就連到父母家拜年和吃飯也缺席了。流感病菌兇猛,Sammi就為大家推介了簡單又方便的燉紫洋葱,不但止咳而且能增強免疫力,無論病人還是身邊的人都適合吃呢。

直接將紫洋葱放在碗中,然後隔水燉30分鐘(可根據個人口味,喜歡味濃一點的可以燉35-40分鐘。

網民大讚有效

Sammi公開燉紫洋葱的片段之後,引來大量的網民留言,大家都紛紛分享經驗。

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!