發哥

【野生捕獲】發哥赴台宣傳照去晨運勁親民 合照驚現《賭神》神秘演員

最新娛聞

廣告

發哥周潤發出哂名貼地又親民,就算最近赴台出席《無雙》電影座談會亦抽時間落公園晨運,仲連埋一大班台前幕後齊齊去陽明山跑步添!當中仲有個大家好熟悉嘅面孔呀!

撰文:占士 │圖片來源:微博、雙喜電影、Facebook

發哥赴台純屬私人行程

出席座談會純粹為粉絲

由周潤發、郭富城主演嘅新戲近日於台灣上映,啱啱城城先至去完台灣宣傳,依家就到發哥去啦!不過據電影公司講法,今次發哥嘅寶島遊完全係私人行程,可見發哥之所以會出席電影座談,完全係為咗見吓台灣嘅影迷!

發哥貫徹親市貼地作風

搭捷運、行公園喪被野生捕獲

發哥一向非常貼地,喺香港行山、去街市時都常被市民野生捕獲。今次發哥去到台灣一樣貫徹親民作風,搭捷運時仲被一大班市民重重包圍,個個都爭住同發哥玩自拍!發哥亦來者不拒,逐一同班影迷合照。不過有一樣野發哥就堅持say no,到底係咩事呢?

有台灣人要求與偶像✕✕

發哥堅持向影迷說不

到底係咩事令出咗名來者不拒嘅發哥都要say no呢?有位台灣影評人爆料話,有次到香港旅遊時遇上發哥,要求同班朋友一齊影張大合照,但發哥竟然拒絕咗!原因係發哥覺得要影就一個一個影,咁樣先更加有紀念價值,最後先至補返張大合照咁話呀!隨後發哥仲同班台灣人傾足15分鐘,介紹香港好玩嘅地方!睇嚟如果旅發局要搵個代言人的話,發哥就最適合不過啦。

發哥拉隊去陽明山跑步

合照驚現《賭神》神秘演員

呢次台灣行,發哥仲同班台前幕後拉大隊去陽明山跑步,佢仲相當照顧班全程都跟出跟入嘅當地傳媒,就連由酒店揸車去陽明山都特登叫司機揸慢啲,等班台灣媒體唔駛跟得咁辛苦,真係非常關照大家呀!發哥難得去到陽明山跑步,當然不忙影吓靚相,同班朋友影合照。有眼利嘅網民發現呢啲相中,有個大家都好熟悉嘅面孔!你又搵唔搵到係邊個呢?

即刻開估,下圖紅圈內就係曾經喺《賭神》扮演刀仔手下烏鴉嘅演員黃斌!

曾與張曼玉 舒淇 黃秋生等合作經典電影

黃斌由低做起已榮升製片

黃斌除咗扮演過《賭神》中刀仔手下烏鴉一角之外,亦曾經參演《旺角卡門》、《中華英雄》、《人皮燈籠》等。黃斌不止識演戲,亦做過場記、道具等,由低做起嘅佢今時今日已經係製片,而佢喺2013年監製嘅《竊聽風雲3》仲入圍第34屆香港電影金像獎「最佳電影」添。

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!