鍾嘉欣

鍾嘉欣陀B五個月仍索爆 生埋今胎夠晒數

最新娛聞

廣告

現正懷着第二胎的藝人鍾嘉欣,日前由加拿大返港出席活動,呢日佢身穿白色低胸連身裙配3吋高踭鞋亮相,唔使多講,就係索爆!不過嘉欣話晒做咗媽媽,今次要離開女兒Kelly兩星期,佢接受訪問時表現得相當不捨!另外嘉欣又透露,無論今胎係仔係女都好,都會係最後一胎,兩個夠晒數!

撰文:東方新地|圖片:東方新地

鍾嘉欣頻發福利照

鍾嘉欣早前宣布懷上第二胎,同時宣布會離開加盟了13年的TVB,雖然已經甚少會出席公開活動,但嘉欣不時都會喺社交網po靚相!呢日嘉欣又派福利,見到佢上載三張靚相,身穿華麗露肩短裙,依然美豔動人,其中兩張相仲擺埋誘人甫士,大騷白滑肌膚及修長美腿,點解會有大肚婆咁索㗎?

鍾嘉欣生埋今胎夠晒數

正懷着第二胎的藝人鍾嘉欣,呢日由加拿大返港出席活動,見到佢以白色低胸連身裙配3吋高踭鞋亮相,腹部微微隆起,不過身形依然纖瘦,明豔照人!被問到肚中BB性別,嘉欣就話雖然已經照咗,不過兩公婆叫醫生唔好講,希望保持驚喜!

嘉欣同時透露,無論今胎係仔係女都好,都會係最後一胎,兩個夠晒數!

離捨女兒眼紅紅

今次嘉欣獨自返港兩星期,被問到會否掛住女兒Kelly,嘉欣隨即眼濕濕流露不捨之情,表示自己以為接受到,但一聽到老爺奶奶話個女喺屋企搵媽咪,佢實在係忍唔住!嘉欣又稱已經一路灌輸緊「家姐」呢個俾Kelly知,所以女兒近日愈來愈黐身,似乎係感受到威脅!

雖然話每個女人都係咁貪靚,不過鍾嘉欣在活動結束後,隨即換上黑色平底皮鞋,其他工作人員都對佢照顧有加,安全要緊呀!

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

關鍵詞
鍾嘉欣