【鐵探】內地網站全劇透！惠英紅痛失兩子 XXX變不死人槍戰吳廷燁
廣告
TVB重頭劇《鐵探》播出以來叫好又叫座，香港目前播到大半，不過由於內地騰訊VIP可以一星期睇十集，目前差不多播到大結局，所以大陸網站都有不少劇透出現，甚至連大結局預告片都有，惠英紅繼大仔洪永城離世後，再痛失細仔楊明，而黑幫營長吳廷燁仲會冇好下場，嚟緊劇情真係估你唔到㗎！
惠英紅 劇透《鐵探》
TVB 重頭劇《鐵探》中，三屆金像影后惠英紅、許紹雄、黃智賢 (阿 Ben)、姜皓文等一班好戲之人在劇中實行演技大鬥法，而早前小紅姐同阿Ben、楊明上節目《今日VIP》時分享拍攝心情，小紅組唔覺意爆響口透露劇中兒子楊明的下場！
在訪問中劇透兒子楊明最後會被殺：「當佢死嘅時候，我喺度諗我應該點樣處理呢？因為大仔（洪永城飾）死我係用崩潰嘅形式，但細仔死我係用一種靜嘅方式。見到個仔有血，我幫佢抹，幫佢整返好啲衫，跟住就行開。但行到樹林我忍唔到就開始癲，但癲完行出嚟又靜返。」
《鐵探》內地網站完全劇透！
而在內地上載的第24集的短片中所見，Madam Man（惠英紅飾）繼早前失去大仔邱勵進（洪永城飾）後，連次子邱勵傑（楊明飾）都慘死在黑幫營長(吳廷燁飾)槍下。
Madam Man見到阿傑的屍體看似冷靜地用手巾將阿傑頭上的血抹走，之後把兒子屍體輕輕放低，直至行去草叢中崩潰痛哭，真係好慘。
Madam唔止要捉到殺兒子的兇手，也怪罪於負責該案件的黃智賢。
而在大結局預告片中，營長（吳廷燁飾）殺死身邊出賣他的江麗瑤(何佩珉飾)，隨後跟程Sir(黃智賢飾)埋身肉搏，冇錯，下身癱瘓的程Sir居然利用吊貨的天秤飛越半空更跟營長駁火，營長手臂中槍倒地，程Sir就冇事！
袁偉豪嘔血講數
至於垶Sir(袁偉豪飾)就嘔住血話唔畀Madam做一姐，仲要揭發佢嘅惡行。
將來還有什麼演唱會值得留意？
有不少歌手宣布舉辦演唱會，小編為你整合了2023香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
