關禮傑

喺《珠光寶氣》媾掂黎姿! 關禮傑 那些年係青葱花美男

最新娛聞

廣告

無綫最近深宵重播劇集《珠光寶氣》,反應相當不俗,今次就同大家重溫一下男主角之一,劇中演懶散陳啟發嘅關禮傑廿零歲後生靚仔相,張張皮光肉滑、唇紅齒白!

撰文:東方新地|圖片:新傳媒圖片

關禮傑《珠光寶氣》媾掂黎姿

現年56歲嘅關禮傑在無綫最近深宵重播的08年劇集《珠光寶氣》中,飾演旺角報攤檔主陳啟發,對康家二女雅瞳 (黎姿飾) 一見鍾情,不顧自己已有女朋友,仍主動親近,成功博取芳心。

劇中兩人分手後,關禮傑繼續死纏爛打,害得黎姿被炒失業,自己也因衝動犯事而入獄。後來關禮傑改過自新,但最終仍因車禍意外身亡!

85年 青澀花美男

關禮傑憑84年《新紮師兄》喬志豪 (好姐) 一角彈起,但因角色關係到90年結婚前一直畀人認為係乸型,相中嘅傑仔當年只有23歲,成個青澀花美男,加埋含春微笑,難怪坊間會有咁嘅感覺。

86年 潮著吊褲帶

吊褲帶通常襯西裝西褲同恤衫,但關禮傑就用嚟襯短袖Tee,現今年代當然唔係咩新鮮事,但三十二年前就算係好反傳統。

87年 好「皮」氣

皮褸係「男人衣櫥裏必備」服裝,大部分人都鍾意著黑色或淨色款,但25歲嘅關禮傑呢件啡中帶黑嘅皮褸,顏色少見得嚟又型格。

87年 all back煲呔男

87年關禮傑接受無綫官方刊物訪問,以all back髮型襯煲呔西裝示人,造型令人想起周潤發《上海灘》嘅許文強。

88年 大晒LV銀包

呢張關禮傑攝於88年嘅相,最搶鏡吸睛嘅,唔係佢嗰條七彩花哩碌褲,而係掛喺褲嘅名牌LV銀包,盲都見到。

91年 官仔骨骨look

91年係關禮傑年紀2字頭最後一年,呢年佢經常以西裝示人,傑仔呢套灰色西裝,盡顯溫文爾雅、官仔骨骨嘅味道。

85年拍劇追曼玉

國際影后張曼玉喺無綫共拍咗六套劇,同關禮傑合作嘅就佔咗四部,最多對手戲係84年《新紮師兄》,劇中佢乘虛而入追求曼玉。85年關禮傑挨實曼玉影合照,狀甚老友。

87年 身貼身龔慈恩

關禮傑同龔慈恩,85年喺劇集《大香港》開始合作扮演情侶,87年傑仔梳咗個類似韓仔頭嘅髮型,身貼身同龔慈恩合照,兩人相當合襯。

86年 孖張兆輝宣傳

86年張兆輝同關禮傑不約而同著牛仔褸出席劇集《黃金十年》宣傳活動,原來佢哋係82年無綫第十一期藝員訓練班同學,卻首次合作拍劇,而去加拿大拍煞科戲時,兩人經常相約打桌球。

92年 夫妻家居受訪

關禮傑83年喺無綫做二打六時,認識咗做空姐善解人意嘅梁安娜,佢百分百支持傑仔,七年後結婚,92年喺以二百幾萬買入嘅丁屋內接受訪問,梳化上嘅米奇米妮正好代表,兩人結婚28年,恩愛如昔。

成名作《新紥師兄》

關禮傑84年喺劇集《新紥師兄》演性格柔弱嘅喬志豪,因嬌生慣養同生性怕事畀警校同學改花名好姐,乸型角色深入民心,成為佢嘅成名兼代表作。

被無綫炒魷

95年關禮傑因接演新加坡動作劇《驚天大陰謀》演幹探,而畀無綫炒魷魚,為生計被迫轉到東南亞同內地拍劇,直到03年以部頭合約重返TVB娘家。

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!