阿嬌

阿嬌被朋友無視 內心感難受 究竟講緊邊個?

最新娛聞

廣告

鍾欣潼(阿嬌)上月底和台灣「醫界男神」賴弘國正式拉埋天窗,在洛杉磯舉行溫馨又浪漫的婚禮,日前從美國蜜月返港時,兩口子亦拖到實幸福甜笑!不過今日阿嬌喺網上出post,表示被朋友無視,「個心好難受」﹐究竟係講緊邊個呢?

撰文:東方新地|圖片:東方新地、Instagram、微博

阿嬌出嫁了!

鍾欣潼(阿嬌)和賴弘國(Michael)在今晨於洛杉磯五星級酒店Millennium Biltmore Hotel Los Angeles舉行婚禮,儀式中既溫馨亦感人,阿嬌身穿一襲白色大Deep V婚紗,豔壓全場!雙方在父母的見證下行禮,期間阿嬌多次喜極而泣,當中包括致詞時、好姊妹兼好拍檔蔡卓妍(阿Sa)擁抱祝賀及亦師亦友的經理人霍汶希(Mani)輕吻阿嬌面頰時,阿嬌好激動咁喊!

阿嬌:「行到今日好唔容易…」

在致詞時當阿嬌講到:「行到今日好唔容易…」時喊得最為厲害,全場嘉賓亦眼濕濕,兩個唔同地方、唔同背景的人最終修成正果走在一起,真係好難得!Michael輕吻阿嬌前額的場面充滿浪漫氣息,賴弘國更在鋼琴伴奏下向阿嬌獻上深情一曲〈愛很簡單〉,阿嬌聽完喜極而泣,幸福滿瀉!

拖實返港 甜爆互望 │阿嬌唔敢畀老公滿分…

日前阿嬌與老公從美國返港,兩人拖到實幸福甜笑,阿嬌表示:「今次美國唔係簽字,係想大家有個好嘅回憶,同好朋友聚埋一齊。(香港幾時擺酒?)喺12月,到時會同大家講,唔係刻意隱瞞。」問到今次係咪老闆埋單?佢話:「美國唔係,香港係。」問老闆係咪送樓?她笑言:「佢講咗就算啦!」

問到去咗咩地方度蜜月?阿嬌話:「都去咗好多地方,美國之後,去咗日本,之後再去台灣。」講到會唔會喺台灣搞婚禮?阿嬌話喺台灣搞派對,而婚禮就會留喺香港搞。

問到習慣畀人叫賴太未?阿嬌話:「有啲緊張。(依家畀幾多分老公?)唔畀得滿分,怕佢驕傲!」但賴弘國就畀老婆滿分!點解花球畀阿Sa?阿嬌話:「得佢之嘛,想所有朋友都開心。」

最後,現場係咁起哄叫佢哋錫錫,但佢哋最後都係冇錫錫嘅!

阿嬌被朋友無視 內心感難受

不過事隔一日,阿嬌靚靚心情似乎唔見晒,佢今早喺IG出post表示:「#看到一個我好尊重嘅朋友覺得我冇需要佢我個心好難受 #點解唔可以放低無謂嘅情緒好好地祝福呢 唉。。。」而且上載一張電影《Lady Bird》的劇照,對白為「因為你只考慮自己不考慮別人」

網民話係楊丞琳?

阿嬌個post一出,網民當然就瘋狂留言競猜阿嬌講緊邊個,唔少人都指出可能係台灣女星楊丞琳!原因係上月阿嬌舉行婚前派對時,身為其好友的楊丞琳已經不停被問到點解冇出席,當時楊丞琳竟然答:「請你們不要一直問好嗎?而且很重要嗎?」

好啦到之後阿嬌大婚,楊丞琳並沒有出席,不過亦有轉發阿嬌婚照送上祝福,呢個時候當然又有網民問佢點解唔去啦,楊丞琳回覆時似乎有啲嬲豬:「我被邀請參加的不是美國這場婚宴,而且很重要嗎?不能只祝福她嗎?」

網民矛頭指向楊丞琳,阿嬌見狀回應:「唔好再估係我啲好姊妹啦」

另外又有人估係張韶涵,不過阿嬌講緊邊個,就得佢自己先知啦!

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!