陳偉琪

陳偉琪Staycation晒全裸出浴照 面向維港歎香檳浸浴

最新娛聞

廣告

陳偉琪都潮玩Staycation,自被飛出《愛.回家》告別代表作「細龍太」,公司未有新工作安排,幸好陳偉琪有個富爸爸撐腰,唔怕坐食山崩,點都好,唔能夠待薄自己,早前陳偉琪潮玩Staycation,入住中環五星級酒店享受,邊欣賞維港靚景邊歎香檳浸浴,真疏乎﹗

文:東方新地 | 圖:陳偉琪IG

陳偉琪出身富裕,Staycation都揀中環五星級酒店,飲住香檳浸住浴邊欣賞維港美景。
陳偉琪出身富裕,Staycation都揀中環五星級酒店,飲住香檳浸住浴邊欣賞維港美景。

陳偉琪無工開潮玩Staycation

陳偉琪同鄭世豪飾演的細龍太細龍生是《愛.回家》其中一對受歡迎的CP,相當入屋,就算陳偉琪去年涉醉駕仍亦未有被放入雪櫃如常開工,反而一年過後,卻有傳因負面新聞多多而被foul出局,無劇拍,無工開,被投閒置省幾個月,陳偉琪亦不愁寂寞,話晒有個富爸爸,經濟同生活質素當然不受影響。疫情之下無法出埠旅行,時下流行入住本港酒店享受食住玩當去旅行,陳偉琪都加入埋潮玩Staycation,早前入住中環五星級酒店享受人生。

陳偉琪雖然被踢出《愛・回家》 ,演藝事業看似有阻滯,不過時刻抱住要對自己好啲的正向能量,當然享受至上,歎完再想前路都未遲。
陳偉琪雖然被踢出《愛・回家》 ,演藝事業看似有阻滯,不過時刻抱住要對自己好啲的正向能量,當然享受至上,歎完再想前路都未遲。
陳偉琪Staycation少不免自拍同大家分享。
陳偉琪Staycation少不免自拍同大家分享。

陳偉琪潮玩Staycation入住中環五星級酒店

陳偉琪入住五星級酒店玩Staycation,大方在IG分享在私密生活,例如床照、出浴照都唔介意向大家公開,陳偉琪未入夜先來個大解放,毛巾包頭全裸浸浴歎世界,一手拿住香檳,𠺘起雙腳邊欣賞眼前的維港景致,真係歎到一個點﹗疏乎完,用毛巾包住身,濕住頭髮再來一張自拍,之後著住浴泡躺卧在灑滿致瑰花瓣的特大雙人床上,見佢嘴角含春,唔知邊個操刀拍攝呢﹗

浸完浴,特大雙人床上灑滿玫瑰花瓣,好浪漫﹗
浸完浴,特大雙人床上灑滿玫瑰花瓣,好浪漫﹗
陳偉琪Staycation晒全裸出浴照 面向維港歎香檳浸浴
酒店房一覽無遺的維港景色和摩天輪,同時還欣賞了日落美景,真係唔想離開間房。
陳偉琪悉心打扮後到酒店內的餐廳晚餐。
陳偉琪悉心打扮後到酒店內的餐廳晚餐。

陳偉琪晒床照

高床軟枕一晚後,未執番眼耳口鼻前,直接叫room service早餐,望住中環靚景邊歎豐富早餐,hea完又半日,唔想出外繼續hea,午膳可以繼續留喺房間享受,足不出房,都有專人為你服務,對住如此美景,坐足一日都唔覺悶啦,陳偉琪真識歎﹗

陳偉琪著住睡衣望住中環靚景,邊歎早餐,晨早流流就飲香檳,勁歎﹗
陳偉琪著住睡衣望住中環靚景,邊歎早餐,晨早流流就飲香檳,勁歎﹗
午膳唔想出外,又叫room service,房間以米白色為主,廳有三人梳化,牆上掛上相片,感覺溫馨,沒有住酒店的冰冷感覺。
午膳唔想出外,又叫room service,房間以米白色為主,廳有三人梳化,牆上掛上相片,感覺溫馨,沒有住酒店的冰冷感覺。