陳奕迅

同日本女名廚合照好開心!44歲陳奕迅同阿徐合照就⋯

最新娛聞

廣告

今日係陳奕迅(Eason)44歲生日,生日咁大件事,Eason都暫時放下工作,同太太徐濠縈同埋阿女陳康堤一家三口去咗日本旅行shopping,兼順道慶祝生日,阿徐更以白面「藝伎」妝陪慶生⋯⋯

撰文:東方新地|圖片:Instagram

陳奕迅44歲生日遊日

遊日期間,Eason獲日本甜品名廚Natsuko Shoji款待兼親自炮製水果蛋糕,想吃Natsuko Shoji嘅最拿手嘅水果蛋糕,據講要三個月前訂落,不過原來佢係Eason嘅fans,難怪唔使等之餘仲親手送上畀壽星佬啦!

Natsuko Shoji送上兩個蛋糕兼,又喺個盒上面簽名,仲話非常喜歡Eason首《好久不見》,難怪Eason笑得好開心啦,大合照時更直豎拇指㖭!

Eason同阿徐合照就⋯齊齊扮Cool

阿徐都分享咗一張由阿女康緹親自幫佢同Eason影嘅合照,相中Eason收起同女名廚合照嘅燦爛笑容,同阿徐一樣擺咗個Cool樣出嚟!

藝伎妝遊日

相比平日嘅打扮,阿徐呢日嘅衣著都比較普通,係個底妝白咗少少啫!

 

 

徐濠縈著大露背買叉燒

早前,徐濠縈為慶祝老公Eason喺台灣舉行嘅金曲獎頒獎禮上,三度奪得歌王寶座兼贏埋年度專輯大獎,於是著上性感大露背,出街買叉燒 。點知另一邊廂,就有一位女藝人同樣著上大露背,似乎想隔空挑啊徐機!,徐濠縈於個人社交網上載自己單拖落街買燒味,原來係為慶祝老公陳奕迅(Eason)喺台灣金曲頒獎禮中,三度奪得歌王寶座兼贏埋年度專輯大獎。雖然只係出街買叉燒,但不嬲走喺潮流尖端嘅啊徐就著上一件大露背,唔講仲以為佢準備出席咩活動。

#斬料斬料斬大舊叉燒 #賀賀佢 #陳師奶 📷 乖女

A post shared by hilary tsui (@hilaryxtsui) on

徐濠縈仲留言指:「斬料、斬料、斬大舊叉燒,賀賀佢,陳師奶,乖女。」但重點就完全落喺呢件大露背,皆因呢件衫只要有小小肥都會Carry唔到,但啊徐完全唔洗擔心呢個問題!

#斬料斬料斬大舊叉燒 #賀賀佢 #陳師奶 📷 乖女

A post shared by hilary tsui (@hilaryxtsui) on

啊徐拎住一大袋叉燒戰利品時,仲要擺番個Pose影番張相,真係冇人潮得過佢!

#斬料斬料斬大舊叉燒 #賀賀佢 #陳師奶 📷 乖女

A post shared by hilary tsui (@hilaryxtsui) on

拎住一大袋叉燒,啊徐唔少得行番個街頭Catwalk!

徐濠縈全紅打扮出席派對

之前國際時裝品牌Alexander McQueen,於金鐘舉行了2018春夏時裝派對,呢類時裝派對又點少得潮流達人徐濠縈出席!阿徐呢日除了一身全紅色的打扮之外,連頭髮個顏色都係紅色,一身搶眼的造型,真係唔係人人都可以咁型。

徐濠縈倆母女去韓國旅行

徐濠縈早前同囡囡康堤去完韓國旅行返港,阿徐除了表示今次係康堤首次去韓國外,仲話諗住同囡囡一齊學跳K-Pop,因為佢覺得如果可以同個女好似兩姊妹咁樣一齊跳,感覺會幾型,但可惜囡囡表示唔多想同媽咪跳。

徐濠縈被康堤話扮後生?

阿徐又話囡囡而家已經高過自己,平時又會拎佢啲靚波鞋著。但重點係每當阿徐著啲大tee或者著得young啲的時候,康堤就會彈句「媽咪你做乜扮後生?」,真係聽到個心都離一離呀,唔知阿徐心入面點諗呢?

徐濠縈 開心送吻

早前,上個月7號44歲生日的壽星女徐濠縈,提早慶祝生日,獲Eason、偉仔同張震三大男神送祝福,開心到不停在派對上嘟咀派飛吻,仲舉埋V字手勢影相,而梁朝偉同Eason就鬥耍詠春,一大班人玩得勁開心!

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!