陳瀅

陳瀅未算喊到好悽涼!盤點大台13位喊功一流嘅藝人

最新娛聞

廣告

大台劇集《跳躍生命線》今個禮拜就大結局,劇中飾演「滿月」的陳瀅和飾演「愛姐」嘅羅蘭之間的嫲孫情都備受關注。上周播出的一集就講述陳瀅得悉嫲嫲患肺癌後,苦勸她接受手術,面對生離死別,兩嫲孫攬住爆喊。演戲經驗尚淺的陳瀅喊到眼鼻通紅,兩行鼻涕直流,佢話全靠好戲之人羅蘭姐帶佢入戲咋!查實過往都有唔少藝人,因為拍喊戲而成為話題,你哋又記唔記得邊幾位女星喊戲最勁?

【跳躍生命線】兩嫲孫攬住喊!陳瀅 多謝羅蘭姐帶入戲⋯

羅蘭在劇中飾演愛姐,為人和藹慈祥,早年喪子的她同滿月(陳瀅 飾)相依為命,可惜好景不常愛姐患上中期肺癌,她自知年事已高,做手術要捱一刀,即使手術成功又要再做化療,為減少晚年受苦,也為了不想孫女擔心,她拒絕做手術及化療,同時決定向孫女隱暪病情。而知情的羅天宇為了尊重愛姐的意願,也向滿月隱暪。惟滿月意外目暏嫲嫲服藥,才得知她患癌!

陳瀅

正當家俊(羅天宇飾)想向滿月示愛時,卻遭對方怒摑他一巴,指責他對她的隱暪,直言以後斷絕往來!

陳瀅

於是陳瀅找好友劉佩玥哭訴,自幼喪父的她說明知嫲嫲年紀大,做手術好危險,但唔博就冇機會,唔希望嫲嫲放棄治療,心情相當矛盾,喊到好淒涼!

陳瀅

在可祈、滿月託昊然幫忙,找到名醫替愛姐開刀,愛姐在滿月懇求下終答允接受手術。

陳瀅

全靠羅蘭姐帶入戲

陳瀅之前接受訪問就講到同影后羅蘭姐拍連場喊戲,拍攝期間未感到有壓力,因為現實中她也為人孫女,加上全靠羅蘭姐帶入戲,仲試過喊到Cut機仍淚流不止,直言喊到心都裂埋!

陳瀅

1. 鍾嘉欣

嘉欣BB喊功一向了得,喺剛播完嘅《再創世紀》中,鍾嘉欣得悉身在香港的父母因為迷債爆煲而跳樓自殺,傷心得在湖邊濠哭,被身為男友的林文龍抱著安慰!

陳瀅 喊戲勁藝人

但及後鍾嘉欣知道林文龍係迷你債券設計人,認定佢係間接害死自己爸爸媽媽嘅兇手,嘉欣淚如泉湧,所以最後決定分手!

陳瀅 喊戲勁藝人

2011年《點解阿Sir係阿Sir》一場崩潰式喊戲,令鍾嘉欣被封為「民間視后」!

陳瀅 喊戲勁藝人

另外2013年嘅「整蠱」片亦相當經典,魔術師Louis本以為是負責向鍾嘉欣表演一個令觀看者不安嘅「整蠱」魔術,鍾嘉欣亦被嚇得花容失色及哭崩,觀眾都以為佢覺得受驚!

陳瀅 鍾嘉欣

鍾嘉欣喊到崩潰!

陳瀅

但全部人都俾嘉欣呃咗啦!鍾嘉欣嘅神級演技成功呃到觀眾同Louis,真正被「整蠱」嘅係Louis!嘉欣精「喊戲」令網民拍案叫絕!

陳瀅 鍾嘉欣

2. 楊怡

同樣係《再創世紀》,視后楊怡飾演郭晉安老婆章明晞,據知她在劇中曾被方松蔭兒子方孝聰 (黃子雄飾) 強姦,會在電梯有場喊戲。

陳瀅 喊戲勁藝人

而另一場戲,講佢畀老竇話生咗個咁陰險嘅女兒,仲話畀村民嘲笑佢冇仔生,呢場戲楊怡谷到眼鼻通紅!

陳瀅 喊戲勁藝人

3.周勵淇

而在《再創世紀》飾演富二代舞蹈家的周勵淇,在到殮房認屍一幕中,見到兩個哥哥的屍體,激動撫屍痛哭。

陳瀅 喊戲勁藝人

4. 麥明詩

在《賭城群英會》處女拍劇的麥明詩,在失去丈夫何浩文後爆喊一幕,亦獲觀眾激讚!

陳瀅 喊戲勁藝人

5. 岑麗香

「香香」岑麗香去年在《溏心風暴3》連場爆喊戲獲網民讚賞,香香話好多謝網民支持,笑言:「其實我唔係好敢睇網上嘅留言,有啲驚,唔知網民反應係點,好緊張!」問到覺唔覺得自己演技進步咗?佢就回應:「當然希望真係進步咗,我覺得自己仲有好長嘅路要行,希望可以做得更加好啲!」

陳瀅 喊戲勁藝人

6. 田蕊妮

視后田蕊妮在《迷》入面要面對劇中女兒簡淑兒慘被謀殺,阿田將一個痛失女兒的媽媽演得淋漓盡致,兩場喊戲睇到人心都酸埋,盡顯功架!第一場喊戲由一開始唔願意相信,到得悉事實後傷心欲絕,阿田情感演繹恰到好處,令觀眾完全感受到喪女之痛,好想喊埋一份⋯⋯不過接下來的認屍戲先係高潮!

陳瀅

之後嘉穎帶阿田去到停屍間,阿田終於見番個女,不過對方已經係一副沒有靈魂的空殻。不停自責的阿田初時強忍淚水,不過當佢碰上女兒屍體的一刻,眼淚已經完全止不住,緩緩落下,之後阿田更愈喊愈厲害,近乎崩潰的痛哭流涕,真係鼻涕都流晒出嚟!

陳瀅 喊戲勁藝人

7. 唐詩詠

37歲唐詩詠2013年任劇集《神探高倫布》女主角,拍攝一場失常喊戲時,唐詩詠抄足星爺谷出三吋鼻涕,更爆喊至五體投地 !

陳瀅 喊戲勁藝人

8. 龔嘉欣

龔嘉欣近年更被封為專搶男友的狐狸精,直到《幕後玩家》的賢妻良母角色出現先成功洗底。劇中因為老公Bosco出軌令佢進入崩潰狀況, 連場崩潰喊戲令大批網民對佢演技另眼相看,Facebook更有大規模洗版,有網民更直指「原來龔嘉欣咁好戲㗎?」!

陳瀅 喊戲勁藝人

9. 佘詩曼

兩屆視后佘詩曼一向喊功了得,每次話喊就喊,不同層次嘅喊戲亦難佢唔到。

陳瀅 喊戲勁藝人

10. 蔡少芬

蔡少芬在《洛神》為助馬浚偉七步成詩,含淚一笑,獲讚喊得夠靚。

陳瀅 喊戲勁藝人

11. 江嘉敏

在劇集《果欄中的江湖大嫂》中,江嘉敏與黃嘉樂這一對戀人,千辛萬苦才能在一起,但黃嘉樂被殺,作為飾演其女友的江嘉敏哭得死去活來,仲要加埋口水鼻涕一齊流,全情投入,演到七情上面!

陳瀅 喊戲勁藝人

12. 馮盈盈

同樣係《果欄中的江湖大嫂》,講到馮盈盈去認番哥哥條屍一幕,雖然盈盈演出經驗未算多,不過今次喊戲表現亦算不俗,睇到觀眾好心痛!

陳瀅

講到拍劇時嘅心情,盈盈表示拍之前好緊張,覺得喊得出已經好開心。問到拍喊戲時佢諗緊咩?盈盈竟然自爆諗緊「死老竇」!不過講完發現唔對路,隨即靚兜話在劇中係「長兄為父」,哥哥係唯一親人,最後補多句:「所以呢套戲就要多謝我爸爸。」

陳瀅

13. 王浩信

王浩信同朱千雪在《EU超時任務》中未能大團圓結局,王浩信面對同千雪生離死別嘅場面,崩潰痛哭同默默流激都令觀眾大加讚賞。

陳瀅 喊戲勁藝人

延伸閱讀:

18個歷代最有氣質真女神 個個無P圖都好靚女!

陳瀅

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

撰文:東方新地圖片來源:新傳媒圖片、TVB