陳茵媺

10度帶子女外出踢波 陳茵媺呻天氣凍低調晒巨鑽

最新娛聞

廣告

陳茵媺同陳豪結婚後減少幕前工作,專心湊小朋友,日前陳茵媺仲晨早流流帶小朋友出去踢波,天氣咁凍都可以起到身,真係不得不佩服媽媽嘅能力!

撰文:KK(原文刊於sunday kiss)| 編輯:東方新地|圖片來源:Instagram|

陳茵媺 晒巨鑽

日前天氣非常寒冷,陳茵媺就一早帶住小朋友去踢波,之後仲喺社交網站上分享自拍照,留言話自己雖然著晒羽絨戴晒帽,但依然覺得好凍,就連手指都凍到僵硬埋。

在 Instagram 查看這則貼文

 
Aimee Chan(@aimeechan_official)分享的貼文 張貼

有眼利嘅網友就發現,依張自拍照上面,陳茵媺手上戴住2隻鑽戒,其中一隻仲有好大粒鑽石,搞笑地話陳茵媺凍親事小,低調曬鑽戒先係真。

一家五口過熱辣辣聖誕

陳豪拍攝完新劇《殺手》後,趁著聖誕假期,帶著老婆仔女飛往澳洲過聖誕。陳茵媺喺社交網晒出同老公合照,興奮留言終於等到同老公一齊度假:「Enjoying Balmoral beach with the family. Finally @moses_chan_ can travel with us! Yeah!」

陳茵媺一家五口溫馨合照

昨日,陳茵媺再晒出一家五口著住家庭裝嘅合照,夠晒應節。

未到boxing day大仔Aiden同二仔Nathan已經迫不及待拆禮物。而囡囡Camilla就戴著一身公主飾物,自己一個坐埋一邊密密拆糖食。

悉尼當地正值夏季,唔少人聖誕去避暑都必去陽光與海灘。不過,陳茵媺一家就專程去搵聖誕老人合照。佢哋著住短衫短褲留影,陳豪仲興奮舉擺V字手勢,睇嚟呢個假期一家都玩得好盡興!

陳豪台灣開工 陳茵媺一拖四探班遊動物園

早前,陳豪為《殺手》去台灣拍外景三個星期,呢個廿四孝老竇專程抽空返港同三個仔女慶祝萬聖節,然後急急腳又再飛台灣開工。

老公開工,廿四孝人妻陳茵媺自然就要肩負起湊仔的責任。早前,陳茵媺今次一拖四,除咗帶著三個寶貝仔女外,仲帶同奶奶同行飛往當地探老公班。

陳茵媺到達台灣後,問粉絲有乜好去處同提議?「In Taiwan… Any suggestions where to go?」

陳茵媺將照片分享至社交平台,留言︰「Taiwan with the 3 munchkins and my mother in law since moses_chan_ is filming there!📸(自陳豪在這裏拍攝,我就和3個小矮人及奶奶在台灣)」仲單拖帶他們到處遊覽,在市區內逛街,仲去埋動物園玩。

隨後,佢上載咗去動物園遊玩嘅相,三個小朋友似乎玩得好開心,奶奶亦都笑容滿臉!

撰文:東方新地 | 圖片:新傳媒圖片、陳茵媺IG

陳茵媺攜三名子女返港 陳豪 冧爆逐個錫

四年抱三、湊仔女親力親為、今年暑假仲要一個打三個坐長途機返娘家多倫多探親,唔止老公陳豪話陳茵媺係Super Mum,相信好多觀眾同港媽都同意!話說計劃咗成年要帶班仔女返多倫多,可惜陳豪要留港拍新劇《殺手》,Aimee唯有一個人單獨鬥照原定計劃上飛機,雖然已經係第二次一拖三,不過今次連細女都識行識走,又係另一種挑戰!不過醒目又細心嘅Aimee安排妥當,當然無驚無險安然度過呢一個月長假!

陳茵媺攜三名子女從多倫多返港,陳豪一身休閒服現身機場接機,等了一個小時左右,引起不少市民圍觀,一見老婆同三個仔女大仔Aiden、二仔Nathan、細女Camilla,陳豪上前迎接兼逐個錫錫,肉緊到紅都面晒呀!

陳豪接受訪問時,不時望向接機大堂的出口,擔心錯過Aimee嘅蹤影,想念之情不言而喻,阿Mo指這一個月來常常和對方視像通話:「每天都陪他們吃早餐和說晚安。」

 

錫完大嘅,陳豪二話不說錫埋大仔、之後又踎低錫埋細仔同細女,人人有份,永不落空!阿Mo真係好男人、好爸爸、好老公,Amiee好幸福!

 

以前阿Mo夫婦都甚少讓子女上鏡,但隨住小朋友長大,二人都讓子女曝光,今次咁大方咁公開企定任影都係第一次!

點解得四個人嘅?因為大仔有啲怕醜,暱咗喺爸爸身後!

睇真啲,大仔似陳豪,細仔似陳茵媺!

阿MO一家出現,在機場引起一陣哄動!記者、旅客爭相拍照!

說到阿mo和Aimee小別重逢,會否準備去二人世界一下?Aimee指阿mo應該也很想念小孩,暫時都會是家庭活動。

陳茵媺 返娘家大解放

其實心水清粉絲實有留意,由生第一胎開始,陳豪兩公婆分享家庭子女照一定遮眼又「影后」,四年來一直避免讓仔女真面目曝光。今個暑假由上機到日日玩樂,竟然P圖遮眼一概慳番,cute爆Aiden、Nathan、Camilla一次過曝晒光。

日前,陳茵媺一個人湊住三個2至4歲仔女出發往多倫多探親。一向親手湊慣湊熟係熟手媽媽,雖然16個鐘機程係好大挑戰,不過在Aimee嘅妥當安排下,可以安然度過,她立即拍片記低呢個時刻。

兩個星期冇見仔女,陳豪就爆公開子女容貌原來有共識:「我哋過咗個心理關口,都無所謂啦,又唔係宣傳佢哋,有時候開心嘅事,值得同大家分享。」

媽媽自爆狂隊咖啡對付12個鐘時差,至於班細路,大把空間活動放電,應該隨時瞓得著。

細女>Camilla眼大大同Aimee如餅印,可愛到暈,難怪喺媽媽連日分享中曝光最高。

當一個湊三個已經成為Aimee日常,帶住三個細路去超市入貨又算得係乜?睇落Aiden幫手拖購物車,Nathan同Camilla齊齊坐喺超市車內亦都好乖巧易湊,兄妹感情好好。

而三個小朋友去到加國亦都大解放,每日都接觸大自然,同喺香港的確好唔同﹗難怪三個小朋友喺Aimee鏡頭下都係笑得好燦爛啦﹗

除咗天氣一流、鳥語花香,去到多倫多大仔Aiden連青蛙仔都有得玩,難怪爸爸陳豪都玩開心事值得同大家分享。

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!