陳華鑫

子宮頸短瞓床至36周 陳華鑫 誕逾6磅B女

最新娛聞

廣告

喺台慶劇《是咁的,法官閣下》飾演實習律師的2012年落選港姐陳華鑫,擁有一副青春靚樣加娃娃聲,於劇中的四眼律師look亦非常討好,獲唔少網民大讚,而之前佢喺劇集扮學生妹成名,性感演出成為網絡熱話!

現實中,陳華鑫年初與拍拖六年的圈外男友在泰國布吉結婚後,火速造人成功,今日(13日)喺社交平台報喜,宣布B女已經出世,正式榮升做媽媽,恭喜晒!

 

撰文:東方新地|圖片:新傳媒、陳華鑫Instagram、劇集截圖

陳華鑫 誕逾6磅B女

陳華鑫在社交網站報喜,分享老公親吻囡囡的溫馨照片,並留言稱:「我們家的小公主出嚟過聖誕節」。她還透露囡囡重6磅5安士,母女平安,並hashtag了「終於見到妳」、「好彩妳足磅」、「Welcometotheworldourlittleprincess」。

陳華鑫透露,由於懷孕期間發現子宮頸較短,所以由31周開始瞓床到36周順產生咗BB,而老公全程陪產及為BB剪臍帶﹐而佢由陣痛到生BB只係用咗4個鐘,過程好快!不過佢話生完BB後未能小便,要插尿喉,插咗個幾星期,住院的三天因為傷口又痛,尿喉又痛,BB又兩個鐘要食一次奶,都真係好辛苦,但為咗BB再痛都值得。

之前陳華鑫都有影懷孕寫真,輯相都好靚好sweet!

童顏準媽媽

1989年出世的陳華鑫今年29歲,今年1月嫁予拍拖6年的圈外男友周國榮,婚後二人極速造人成功,並於8月公布有喜,預產期為12月底,陳華鑫當時接受訪問時,表示因子宮頸短,所以好有可能會早產。

《是咁的》演四眼律師look獲大讚

在較早前播出的《是咁的,法官閣下》,其中一集講到飾演實習律師潘琪的陳華鑫竟然知法犯法,被發現於法庭上偷偷用手機影相,最後被判罪名成立,罰款2千蚊,有機會影響獲取大律師資格!

庭上偷拍被發現

「眼鏡娘」造型好省鏡

《是咁的,法官閣下》都有唔少靚女演員,不過估唔到除了麥明詩以四眼look演大律師外,只在其中一個單元故事出現的陳華鑫都備受關注,網民都大讚其「眼鏡娘」造型好省鏡!陳華鑫接受傳媒訪問時表示自己都好喜歡呢個角色,自己好投入去演,並多謝陳耀全監製多次搵佢演一啲甚有發揮空間的角色。

《性在有情》性感學生妹演出

唔講大家未必記得,陳華鑫為2012年落選港姐,有樣有身材,仲有一把好嬌嗲的BB聲。佢早年喺《性在有情》中飾演陳敏之的中學生妹妹。雖然當時陳華鑫已經26歲,不過扮演中學生完全冇違和感,仲非常誘人!其中一場戲佢請教敏之如何升Cup,着住粉紅小背心係咁谷,睇到觀眾血脈沸騰!

小背心谷胸

索學生妹配薯老師

飾演中學生就當然有校服look,陳華鑫着住校服短裙仔、小白襪黑鞋青春可人,仲會同薯到爆的中文老師沈震軒發展一段師生戀!

三點式性感演出 幫沈震軒人工呼吸

雖然喺劇中學生妹look本來已夠煞食,但如果大家仲記得的話,陳華鑫其實仲有一集以三點式泳衣性感演出,呢場戲係講佢同幾位同學仔去沙灘玩,點知薯頭老師沈震軒不慎遇溺,被陳華鑫救起,嘴對嘴人工呼吸!

青春無敵學生妹

沈震軒不慎遇溺

2012年落選港姐

陳華鑫2012年參選香港小姐,最後三甲不入,於是與其他落選港姐一樣參加藝員訓練班,畢業後成為大台藝人。值得一提的是,近年唔少網民都話2012年港姐競選相當高質,除了三甲張名雅、黃心穎及朱千雪外,仲有湯洛雯、林泳淘、岑杏賢、陳潔玲等靚女。

未知會否復出拍劇

陳華鑫現時專心湊b,雖然小編同網民都唔介意佢再度泳衣性感演出,不過可能人哋老公唔俾呢!

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

關鍵詞
陳華鑫