陳豪暖男上身照顧茵媺 未有計劃再生多個？
廣告
陳豪同陳茵媺呢對圈中出晒名的模範夫妻，呢日又孖住出席新年活動搵奶粉錢，拖到實一實鬼咁恩愛。身材fit爆的茵媺呢日著到靚一靚，而陳豪見到老婆衣衫單薄抵寒風，即時做嘢，攬實取暖又幫手披外套，暖男老公做足一百分！
陳豪 一百分暖男老公
陳豪陳茵媺呢日一齊出席新春活動，適逢氣溫下降，活動又在戶外舉行，為免身穿春裝又有少少低胸的陳茵媺凍親，陳豪不時攬實老婆手臂「捽吓捽吓」，又好體貼咁幫老婆披外套，問到茵媺覺唔覺得老公好窩心，佢笑住話：「其實佢都著得好少，可能佢攬住我只係為咗自己取暖。」不過陳豪呢個愛妻號就完全唔怕肉麻，仲話：「凍在身暖在心！」
大讚老婆廚藝
今次唔係第一次以夫妻檔出活動，只見鬼妹仔茵媺講新年祝福語時頻頻甩嘴，笑住向老公求救，最後由陳豪打圓場。講到過年，二人說到帶住三個小朋友去拜年，行程表非常忙，陳豪大讚茵媺親自下廚煮了一頓豐富的團年飯，重點是煮中國菜。說到會給太太廚藝多少分，茵薇搶先回答視乎陳豪畀幾多分，才決定下年仲煮唔煮，陳豪即以高八度聲音說：「110分！」已經有兩子一女，喜歡熱鬧與小孩的陳氏夫婦會否再生多個？他們迴避唔答，仲異口同聲表示現階段要跟囝囝功課已經很頭痛。
陳豪：離巢未有定案
未來三月陳豪需要離開香港到內地拍劇，他坦言唔捨得老婆同仔女，但工作為重，他說：「我唔喺屋企，好彩有太太照顧屋企事務。」至於有傳與無綫約滿後將不續約，會專注往內地發展，陳豪坦言現時還未有任何新的決定，如果決定了會通知大家。
延伸閱讀：
高海寧性感回歸 重溫超經典「象鼻頂胸」
將來還有什麼演唱會值得留意？
有不少歌手宣布舉辦演唱會，小編為你整合了2023香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
