陸永老婆

陸永老婆Reina第三胎不幸小產 做法事求安心

最新娛聞

廣告

農夫成員陸永及C君在早前的《Do姐再Shopping》中大放笑彈,再次獲得觀眾力撐,雖然陸永在電視上為大家帶來無窮歡笑,但近日佢家中發生了一件不幸的事!原來陸永老婆 Reina早前曾不幸小產,所以在道場做法事超渡亡兒,現時兩夫妻的心情已經平伏,但目前暫不考慮再追一個。

《Do姐再Shopping》陸永C君爆笑彈

上星期先播完的《Do姐再Shopping》中,農夫成員陸永及C君再次孖住Do姐去Shopping,兩人轉數快又勁有幽默感,狂爆「食字gag」又頻頻同Do姐鬥嘴,兩人絕對係整個節目的靈魂!

陸永 一家四口幸福滿瀉

陸永近年多得Do姐提攜人氣急升,拍劇、拍戲、主持、廣告瓣瓣掂,佢同時係娛樂圈出名的愛妻號,與老婆Reina婚前婚後都非常恩愛,仲生咗2個好可愛的囡囡Hannah同Simsim,不時在網上晒家庭樂,羨煞旁人!

陸永老婆Reina第三胎不幸小產

今日有報道指陸永老婆Reina早前懷有第三胎,但不幸小產,後來與玄學家吳佩孚一起在紅磡的道壇做法事,超渡亡兒。陸永其後接受傳謀訪問時承認此事,坦言太太早前曾不幸小產,另外呢次係意外懷孕,目前都唔會考慮再追多個。

 

不過陸永強調佢同太太心情已經非常平伏,佢今日亦係開工中,兩夫妻並唔係外間所指咁悲傷,多謝大家的關心。

做法事求安心

報道又指吳佩孚師傅認為Reina係容易接觸到靈界的體質,之前經常感覺到身邊有小朋友跟住佢,所以先做法事求個安心。

心情已平伏

現時Reina心情已經平伏,如常照顧兩個囡囡,又在網上分享一張受傷照留言:「街市買完餸完美仆低,點仆仆到呢個位腫咗兩粒波子出嚟。」仲話細女Simsim好擔心自己的傷勢!

另外Reina又上載去Shopping的相片,原來佢係幫女兒Hannah準備聖誕禮物俾同學仔!

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!