林峯

離巢後再合作 林峯瞓身駁火

最新娛聞

廣告

日前由英皇娛樂及優酷合資巨製網絡電視劇《PTU機動部隊》舉行盛大發布會,除咗英皇老闆楊受成、總製片人霍汶希、女主角蔡卓妍外,最驚喜莫過於剛剛約滿英皇的林峯,竟然為套劇「回巢」出演男主角「四兩哥」。

合作三年和平分手,為拍電影版《尋秦記》轉投古天樂旗下的林峯都話被英皇力邀、五年後再返香港拍劇覺得榮幸又興奮!據悉《使徒行者》後再扮卧底再演「型」警,林峯為套劇唔用替身、驚險場面親身上陣,2018年開年之作已經瞓晒身!

 

撰文:東方新地
圖片:東方新地

離巢後再合作 林峯瞓身駁火

去年11月,與英皇合作三年的林峯宣布轉投前無綫經理人Ronnie旗下,同古天樂再成同門。轉投新公司矚目大計《尋秦記》未開拍,估唔到林峯新年開工大吉之作竟然係「回巢」前東家英皇的網絡電視劇《 PTU機動部隊》。其實發布會之前,男女主角已經埋班,密鑼緊鼓拍攝中。

阿Sa冧笑暖男林峰

上月22日,《PTU機動部隊》大隊人馬現身元朗拍攝一場飛車及街頭打鬥場面,飾演「四兩哥」的林峯和飾演其上司的沙展何慧玲阿Sa都在現場。果然做過三年同事,阿Sa同林峯默契十足,一場戲NG三次已經話咁快被導演收貨。多得如此專業男女主角帶挈,天未黑已經收得工轉得景,成隊crew同男女主角都面帶笑容心情輕鬆。

據知情人士透露,除了與英皇關係良好外、北漂多年難得肯拍港劇,林峯都係因為製作夠精良:「網劇係大勢所在,其實拍咗四、五年都係古裝劇,阿峯一直想有 機會拍番港劇、呢幾年都有好多大製作港劇向佢招手。不過一 嚟對舊東家好有信心,二嚟佢都想再拍警匪片挑戰吓自己。所 以明知好多場面好激好危險,都係堅持自己嚟,務求令出嚟效果最好!」 

雖然年頭至開鏡,不過記招當日已經搶先流出首條《PTU機動部隊》宣傳片。短短 35秒幕幕張力十足,好吸引呀!

話說林峯係做過卧底的現任PTU,性格不覊又有點邪氣,阿Sa就係硬朗沙展做林峯上司,兩位揸槍都英氣十足。

飛車加上槍來彈往鏡頭好吸引外,最有張力都係一幕林峯半吊大廈邊緣、阿 Sa徒手施救,據悉所有危險場面林峯都親自上陣。

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!