雷莊兒

外表cool爆 雷莊兒 其實有夥善良的心⋯⋯

最新娛聞

廣告

當選港姐咁耐、就被網友抨擊咁耐,好囉好囉,隨著新一年報名又開始、新一屆港姐即將誕生,雷莊兒正式宣布唔會續約無綫、將會回加拿大發展演藝事業,今次真正網友點鬧都好,可以扮聽唔到囉!

撰文:東方新地|圖片:新傳媒圖片庫、雷莊兒IG

雷莊兒 外冷內熱

又唔怪得班網民,雷莊兒唔係唔靚,但的確係成日乸埋口面唧都唔笑,五官身材靚極唔得親切都冇用啦。小編幾次喺街撞到呢位港姐冠軍獨遊,幾次見佢都以為佢發緊脾氣、個樣好似嬲咗成村人咁。

身材高䠷、一對大眼睛、身型的確弗!不過24歲雷莊兒出到街塞住耳筒又做埋低頭族,的確唧都唔笑令人敬而遠之。

第二日第二個場景,雷莊兒講電話個樣好似同人鬧交咁款,生人勿近!

靚唔靚的確係見人見智,不過個人冇乜笑容、又經常表情多多突出爆牙缺點,難怪好多網民都對呢個港姐冠軍有負評。

其實唔識討好網民啫,雷莊兒真人好熱心,遇見到外籍遊客問路,立即上前幫手!

當日一對年長外籍遊客夫婦拎住個地圖搵路,雷莊兒就主動埋去指指點點用英文教路,不知幾熱心,原來冷酷外表內𥚃有一顆善心。

不過呢個世界好多人都係睇表面嘅,所以小編就話無論去邊度發展,寛容啲、笑多啲,實有幫助嘅!

Juliette Louie(@juliettelouie)分享的貼文 張貼

多倫多大學畢業

去年港姐冠軍及最上鏡小姐雷莊兒畢業於加拿大多倫多大學,她當日回應網民批評時,竟說網民「Not thateducated」,反被網民指她無器量,落得被網民惡搞的下場。雖然不是人人都認同她「美麗與智慧並重」,但是她所讀的多倫多大學確是全球排名50名之內的名牌學府,創立至今已有190年歷史。而雷莊兒早前表示䣃任後會離港進軍荷里活,祝佢成功啦!

拒續約無綫

雖然大部分嘅港姐冠軍做咗一年卸任後都會選擇繼續同TVB簽約,但亦有人會選擇唔續約,上年港姐冠軍雷莊兒早前出席「2018香港小姐競選」記者會時,就公開宣佈話自己卸任後,就會返回加拿大生活及尋求工作機會,決心離開香港。

之前佢接受訪問時就表示:「香港嘅節奏唔係咁適合自己,其實本身都諗住返嗰邊發展,選嗰晚都講咗一句想去荷李活發展,喺香港玩咗一年,時間過得好快,會好唔捨得化妝、梳頭同工作人員,好鍾意同佢哋傾偈。」

據悉,雷莊兒同TVB嘅合約去到12月先正式完約,但就會喺今屆港姐(9月)完結後,離開香港追尋自己嘅演員夢,相信到時TVB唔會留難佢!

雷莊兒仲大晒同男友合照,話每一日都好掛住佢㖭!

Missing you everyday. • • • #cantwait #countdown #behomesoon #tb #thinkingofyou #montreal #canada #longwalks #longdistance
Juliette Louie(@juliettelouie)分享的貼文 於 張貼

Juliette Louie(@juliettelouie)分享的貼文 張貼

Juliette Louie(@juliettelouie)分享的貼文 張貼

Juliette Louie(@juliettelouie)分享的貼文 張貼

Juliette Louie(@juliettelouie)分享的貼文 張貼

Juliette Louie(@juliettelouie)分享的貼文 張貼

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!