韓國男神

韓國男神變形實錄 金秀賢 李敏鎬 都有份?

最新娛聞

廣告

咪以為只有女星先會貪靚變臉,其實有唔少韓國男神出道前、出道後個樣都判若兩人,依家就一齊嚟睇睇呢班韓國當紅男神嘅變形實錄,睇吓佢哋點樣好似《變形金剛》一樣變變變!

撰文:東方新地|圖片:網上圖片

韓國男神齊變臉

李敏鎬 變臉有因?

身高187cm嘅長腿Oppa李敏鎬係唔少女性心目中嘅韓國男神No.1,地位神聖不可侵犯。學生時代嘅長腿oppa有張大方臉,面容平凡,直至09年憑主演韓版《花樣男子》走紅,眼睛變得有神,鼻子筆直高挺,但顴骨及腮骨仍明顯突出,現在佢嘅臉形已變得修長好看,蘋果肌立體突出。但據說因為李敏鎬之前發生過嚴重車禍,所以變臉有前因。

金秀賢 鼻變立體

憑《來自星星的你》紅上加紅嘅金秀賢,女粉絲眾多,爸爸金忠勳更是韓國80年代搖滾樂團Seven Dolphins主音,名副其實星二代,翻睇佢以前嘅舊相,可以發現原本寬闊扁塌嘅鼻子變得小巧有型,成個輪廓都變得立體好看,由鄰家男孩變身成充滿星味的型男!

丁海寅 薯嘜大翻身

30歲丁海寅近日因為孖孫藝珍合演新劇《經常請吃飯的漂亮姐姐》而人氣急升,仲被指同金秀賢撞樣,但睇翻佢中學時嘅學生照,闊面四眼兼冇眉,成個薯嘜樣,但到大學畢業時已經變得面尖尖,眉毛亦生番晒出嚟,唔通真係男大十八變?

李鐘碩 翻版「章魚城」

憑《W》、《當你沉睡時》等劇爆紅嘅李鐘碩稱得上是萬人迷,粉絲囊括少女、中女,可謂老少咸宜。李鐘碩雖然說不上英俊,但身形高挑、外形帥氣,確實有男神典範,只是以往的李鐘碩面圓圓眼細細,竟然甚有昔日亞洲神童「章魚城」的影子!

李弘基 五官更突出

有份演出《花遊記》嘅男團FT Island成員李弘基係典型嘅花美男,五官精緻,長得比不少女生更甜美漂亮。童星出身嘅佢現在五官更完美,輪廓亦更立體突出。

金在中闊臉變小

JYJ金在中經常被指同韓劇男神池昌旭撞臉,兩人都係標準嘅大眼小臉,但睇翻金在中小時候學生相,小眼闊臉,同依家真係判若兩人!

金宇彬原來是毒男

在《繼承者們》飾演第二男主角嘅金宇彬,近年由男二、男三晉升為第一男主角,但佢嘅星途遠不及容貌來得「突變」!學生年代嘅佢,簡直可以用醜來形容,死魚眼、鼻孔外露嘅朝天鼻加上怪異不平衡的下巴線條,災難級嘅外貌甚有毒L味道,跟現在帶點邪氣嘅「醜帥」型男形象有天淵之別!

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!