胡家惠

香港小姐|胡家惠40歲生日 02年季軍搣甩最醜港姐之名大曬超Fit泳裝照

最新娛聞

廣告

2002港姐季軍胡家惠(Cathy)早已淡出幕前多年,早前她難得再度出山,為無綫新一屆香港小姐競選拍攝節目《小城美誌》,並有感而發,大談20年前選港姐時被封為「最醜樣港姐之一」的感受,獲網民勁讚大方得體!日前她出海參加船P,和閨密慶祝其40歲生日時,更大曬多張泳衣照,盡展Fit到漏的身形!

香港小姐 胡家惠在其生日船P上著上了一件粉藍底紅花的泳衣慶祝。
胡家惠在其生日船P上著上了一件粉藍底紅花的泳衣慶祝。(圖片來源:FB@Cathy Wu)

香港小姐|胡家惠40歲生日有新體會

雖然已踏入4字頭,但胡家惠近年專注經營生意,每次露面均盡顯成熟女強人魅力,日前她著泳裝參加生日船P,更獲網友大讚身形keep得勁Fit,她在社交網亦有抒發自己踏入40歲的新體會:「每年9月13號自己的生日我都非常期待,今年感受特別深。昨天晚上跟老公說11:59踏入零時零分由39歲跳到40歲。感覺好像是一下子老了10年,畢竟也轉了字頭,又令到自己回想30歲至39歲發生的事情……」

胡家惠 香港小姐 生日會以浪漫的粉紫色作主題。
胡家惠的生日會以浪漫的粉紫色作主題。(圖片來源:FB@Cathy Wu)
香港小姐 網友都大讚胡家惠踏入4字頭身形仍然Fit到漏。
網友都大讚胡家惠踏入4字頭身形仍然Fit到漏。(圖片來源:FB@Cathy Wu)

胡家惠續說:「40歲的我有一點新的體會,我需要學習放下,不再翻舊帳。放下=放過自己!同時間我亦要學習好好愛錫自己,需要時刻關心自己。朋友對於獨生女的我來說是非常重要,所有家事、感情事等我都跟我好朋友分享。很感恩我身邊有好多好錫我嘅朋友,我嘅事就等於佢哋嘅事,我開心佢哋就開心、我喊佢哋就陪我一齊喊!好開心一班好閨蜜陪我渡過我重要嘅40歲生日會,I love you all!」

香港小姐 十多個閨密一齊在遊艇上為胡家惠慶生。
十多個閨密一齊在遊艇上為胡家惠慶生。(圖片來源:FB@Cathy Wu)
香港小姐 睇得出胡家惠同閨密玩得勁開心!
睇得出胡家惠同閨密玩得勁開心!(圖片來源:FB@Cathy Wu)

胡家惠剖白當年奪得季軍原因

02年港姐胡家惠(Cathy)選美期間曾被傳媒形容爲「女版許願」,但最終她仍在不被看好情況下捧走季軍,今年適逢胡家惠奪季20周年,她在社交網發文感嘆:「過去20年人生猶如坐過山車一般,我經歷嘅事情可以拍40集連續劇。咁多年來一直有人話我係最醜樣嘅港姐之一。其實我從來冇話過自己靚,如果我靚,我應該贏冠軍。贏得季軍係因為19歲嘅我有智慧同口才,表現夠淡定。」

香港小姐 胡家惠話自己真心睇好刑慧敏有機會入三甲。
胡家惠話自己真心睇好刑慧敏有機會入三甲。(圖片來源:FB@Cathy Wu)
香港小姐 胡家惠20年前參選港姐時,只得19歲。
胡家惠20年前參選港姐時,只得19歲。(圖片來源:FB@Cathy Wu)

隔空力撐被指豬扒、醜樣師妹

胡家惠特別講到多年來參選香港小姐的佳麗都飽受批評:「一直以來聽到好多人對香港小姐嘅評論,又話豬扒又話醜樣等等,其實我想講要參選真係好需要勇氣同堅持。我記得當年壓力太大、每日綵排時間非常長、屋企距離電視城又好遠,最終由96磅跌到得返89磅。去塞班島拍攝外景之前係一個活動意外暈倒入院,發燒104度住咗一星期沒有退燒。醫生唔畀我出院,爹哋媽咪要我退選。」其言論被指隔空反擊林作的「港姐豬扒論」。

胡家惠 香港小姐2022 今早10點林作準時踩場。
早前林作因為公開批評港姐係「豬扒」,而收到無綫律師信指其涉誹謗,之後在今屆港姐首輪面試時,林作曾帶住裕美親自踩場,向無綫挑機。(圖片來源:IG@jolamchok)

決賽前綵排已抽到攞季軍

原來胡家惠當年差點就退選,但她覺得有多達數千人參加初選,她能夠成功入圍絕不容易,因此她懇求父母讓她繼續選下去,她說:「好想知道自己嘅能力去到邊,最後順利進入決賽,決賽當日綵排抽到我攞季軍。只係綵排一次,所以我唔識得行一條唔入三甲、要返入後台嘅路。我同自己講:今晚嘅表現一定要好好,因為我唔識行返入去,結果最後真係畀我贏到季軍。」

香港小姐 2002年度香港小姐12 位晉身決賽的佳麗左起):關伊彤、楊康寧、保采芬、余詩韻、葉凱茵、林敏俐、鐘子淇、蔡潔雯、胡家惠、李珮瑜、左慧琪、嘉碧儀。
2002年度香港小姐12 位晉身決賽的佳麗(左起):關伊彤、楊康寧、保采芬、余詩韻、葉凱茵、林敏俐、鐘子淇、蔡潔雯、胡家惠、李珮瑜、左慧琪、嘉碧儀。(圖片來源:新傳媒照片庫)
香港小姐 胡家惠
胡家惠最終贏得季軍。(圖片來源:YouTube@myTV SUPER)

胡家惠笑對傳媒報道:認真便輸了

最後胡家惠用一句「自己參選入到三甲先批評人」來反擊批評她的人:「傳媒當年又話我人緣差、英文差、冇friend。仲畀咗C1我大事宣傳。之後我代表香港去日本參加國際小姐,贏得國際友誼小姐殊榮。52個來自不同國家的佳麗都投票畀我。香港傳媒又馬上報道胡家惠人緣好,忽然英語佳。所以話呢,認真便輸了。都係嗰句:評論人哋嘅自己參選入到三甲先批評人,如果係男人嘅,下世投胎入到三甲再批評。」

香港小姐 當年胡家惠曾代表香港去日本參加國際小姐競選,最終贏得國際友誼小姐獎。
當年胡家惠曾代表香港去日本參加國際小姐競選,最終贏得國際友誼小姐獎。(圖片來源:FB@Cathy Wu)

胡家惠獲網民大讚:靚過冠軍林敏俐

網友睇完胡家惠這篇「20周年回顧」的發文後,紛紛留言大讚她:「果然係香港小姐,大方得體」、「時間證明一切,妳內外都靚」、「決賽個日你問答環節相當出色」、「當年覺得你靚過冠軍林敏俐」、「當時覺得你呢個短頭髮仲靚過冠軍」、「20年都係一個樣無變過」、「原來你就係我20年前,對住電視機話:『咦,呢個女仔幾靚喎!』嗰個」等等。

香港小姐 有網民讚當年覺得胡家惠靚過冠軍林敏俐中)。
有網民讚當年覺得胡家惠靚過冠軍林敏俐(中)。(圖片來源:新傳媒照片庫)

即睇2022香港小姐《小城美誌》邢慧敏X胡家惠大排檔約會:

胡家惠 曾入無綫主持兒童節目

現年39歲的胡家惠當年奪得港姐季軍及國際小姐選舉的友誼小姐獎後,曾簽約無綫18個月,期間主持過兒童節目《精靈智多kid》。約滿後胡家惠卻選擇淡出娛樂圈,去進進修酒店管理學位,之後曾做過空姐、公關及市場銷售等工作。她曾在訪問中笑言自己無拍過劇,所以無劇癮,加上不時都有上節目做分享同接受訪問,所以感覺好似自己一直無離開過娛樂圈一樣。

香港小姐 2002年的港姐三甲胡家惠左)、林敏俐中)和左慧琪右),曾一齊拍過無綫2003年月曆。
2002年的港姐三甲胡家惠(左)、林敏俐(中)和左慧琪(右),曾一齊拍過無綫2003年月曆。(圖片來源:新傳媒照片庫)
香港小姐 胡家惠曾指自己現時要忙生意又要忙湊女,因此無意再做幕前。
胡家惠曾指自己現時要忙生意又要忙湊女,因此無意再做幕前。(圖片來源:FB@Cathy Wu)

胡家惠因老公出軌患上躁鬱症

2011年胡家惠創業做老闆,又在同年嫁給了拍拖多年的室内設計師邱仲平(Allen),並先後誕下兩女Charlotte和Christy。但到了2016年,胡家惠陀著細女時,卻發現老公出軌,令她一度患上躁鬱症,並曾多次企圖自殺,最後她選擇以自然療法治癒,並於2018年與當時老公離婚。

香港小姐 胡家惠曾因老公出軌患上躁鬱症,最後她選擇結束7年婚姻,獨力湊大兩女。
胡家惠曾因老公出軌患上躁鬱症,最後她選擇結束7年婚姻,獨力湊大兩女。(圖片來源:FB@Cathy Wu)
香港小姐 胡家惠兩個女兒現時分別年約10歲和5歲,細女Christy早前幼稚園畢業,即將升上小學。
胡家惠兩個女兒現時分別年約8歲和5歲,細女Christy早前幼稚園畢業,即將升上小學。(圖片來源:FB@Cathy Wu)

胡家惠再婚升呢做劉太

到2019年,胡家惠遇上現任老公Manfred Lau,開始展開新戀情,今年6月,二人拉埋天窗,胡家惠即在社交網開心宣布升呢為劉太。近年胡家惠專注發展個人事業,除了做美容生意外,又大sell健康食品,在疫市下,胡家惠的健康食品生意營業額更升達十倍,前年在王賢誌提名下,她更獲頒發「傑出青年女企業家」獎。而且兩個女女都被網民大讚好靚女!

香港小姐 胡家惠現任老公Manfred被傳媒封為「翻版孫耀威」。
胡家惠現任老公Manfred被傳媒封為「翻版孫耀威」。(圖片來源:FB@Cathy Wu)
香港小姐 Manfred對胡家惠兩個女兒視如己出,一家四口不時在社交網貼相大晒幸福。
Manfred對胡家惠兩個女兒視如己出,一家四口不時在社交網貼相大晒幸福。(圖片來源:FB@Cathy Wu)
胡家惠 香港小姐
(圖片來源:FB@Cathy Wu)
胡家惠 香港小姐
(圖片來源:FB@Cathy Wu)
胡家惠 香港小姐
(圖片來源:FB@Cathy Wu)
胡家惠 香港小姐
(圖片來源:FB@Cathy Wu)
胡家惠 香港小姐
(圖片來源:FB@Cathy Wu)

胡家惠為何曾患情緒病?

胡家惠曾因發現老公出軌而一度患上躁鬱症,甚至曾多次企圖⋯⋯詳情請看

胡家惠對「最醜港姐」有何回應?

胡家惠用一句霸氣說話來反擊批評她的人⋯⋯詳情請看

撰文:東方新地圖片來源:FB@Cathy Wu、新傳媒照片庫、YouTube@myTV SUPER