謝嘉怡

邀港姐冠軍謝嘉怡上節目𢱑廣告 肥媽:我好cheap㗎咋

娛聞

廣告

《香港小姐2020》出爐雙料冠軍謝嘉怡Lisa的參選提名人是肥媽Maria Cordero,早前謝嘉怡孖父親上肥媽的直播節目,肥媽親自傳授入行成功秘笈,又大讚謝嘉怡有觀眾緣有意上契,更乘機喺鏡頭前對各廣告商𢱑「母女檔」拍廣告,仲話下輯《食平D》預埋世姪女!

文:東方新地 丨圖:IG、影片截圖

肥媽教睇無綫節目學演技及廣東話

25歲的謝嘉怡在蘇格蘭是手術室護士,奪得《香港小姐2020 》後明言想入行拍劇,當前急務是練好廣東話,而肥媽立即傳授秘笈:「我哋無綫有好多節目,你由朝開始睇睇到夜晚,乜類型節目都睇,劇集呀、綜藝節目呀,睇得多自然識做,演技同廣東話就係咁練番嚟﹗」Lisa受教認同:「喺蘇格蘭就算同屋企人都講英文,返嚟呢段時間多咗講,就有啲進步﹗」

謝嘉怡父女上肥媽的直播節目,肥媽請Lisa幫手切蕃茄,更爆原來謝父從事飲食業,是一名廚師,不過去Lisa笑父親甚少在家下廚。
謝嘉怡父女上肥媽的直播節目,肥媽請Lisa幫手切蕃茄,更爆原來謝父從事飲食業,是一名廚師,不過去Lisa笑父親甚少在家下廚。
謝嘉怡直言甚少下廚,在旁任職廚師的謝父Peter見女兒有點雞手鴨腳,一度想出手幫女切蕃茄,場面搞笑。
謝嘉怡直言甚少下廚,在旁任職廚師的謝父Peter見女兒有點雞手鴨腳,一度想出手幫女切蕃茄,場面搞笑。

肥媽指謝父Peter唔似54歲

節目中謝嘉怡親揭同肥媽的關係,原來肥媽兒子是謝父Peter的好友,肥媽重提當年時一度眼濕濕:「多謝Peter,嗰時我個仔係英國發生意外,多謝你日日煮嘢畀佢食照顧佢,嗰年係1994年,嗰時我個仔十幾歲,依家都四十幾!」道出兩家的淵源,肥媽又在節目中透露謝父Peter本身是廚師,笑稱呢集應該由謝父教煮餸,又問外貌年輕的謝父究竟今年貴庚?謝父Peter答:「我今年54歲,(點解咁後生,啲人話你係Lisa個拖友?)生活簡單啲。」

肥媽開門見山歡迎廣告商搵二人「母女檔」拍廣告,Lisa在旁一臉尷尬唔識畀反應。
肥媽開門見山歡迎廣告商搵二人「母女檔」拍廣告,Lisa在旁一臉尷尬唔識畀反應。
肥媽力sell自己任何類型廣告都接,反而唔係sell世姪女謝嘉怡。
肥媽力sell自己任何類型廣告都接,反而唔係sell世姪女謝嘉怡。
謝嘉怡在港姐決賽當晚唱出〈上海灘〉令觀眾相當驚喜,肥媽要求世姪女再次表演,Lisa二話不說便唱,肥媽又一起合唱。
謝嘉怡在港姐決賽當晚唱出〈上海灘〉令觀眾相當驚喜,肥媽要求世姪女再次表演,Lisa二話不說便唱,肥媽又一起合唱。

肥媽賜謝嘉怡「排骨妹」封號

肥媽在節目為最愛食排骨的謝嘉怡煮糖醋排骨,之後坐低邊食邊傾,肥媽爆Lisa剛才在canteen指定食排骨飯,然後笑稱契仔6號(陸浩明)叫「鹹濕仔」,8號謝嘉怡叫「排骨妹」相當巧合,更明言跟Lisa有眼緣又投契,有意上契,跟契仔三人合作,被網民笑指母女合作,肥媽即打蛇隨棍上:「各大廣告商可以考慮我哋呀真係,係佢貴啲啫,我好cheap㗎咋,柴、米、油、鹽、醬、醋 茶、電器、凍肉、化妝品、護膚品、香水,乜都得㗎,呀,仲有《食平D》監製下一輯可以加埋Lisa一齊三個主持吖。」相當進取!

肥媽向謝父握手道謝,細訴當年兒子在英國發生交通意外,有賴謝父照顧,說時肥媽登時眼有淚光。
肥媽向謝父握手道謝,細訴當年兒子在英國發生交通意外,有賴謝父照顧,說時肥媽登時眼有淚光。
Lisa見肥媽突然表現激動,立即伸手安撫一番,相當貼心。
Lisa見肥媽突然表現激動,立即伸手安撫一番,相當貼心。

謝嘉怡當選後首個上的節目,便是肥媽的烹飪直播節目。肥媽指原本在家主持直播節目,但基於老公剛剛出院,怕嘉賓、製作單位等多人到家,會影響休養中的老公,所以改在錄影廠做直播,節目近尾聲,肥媽又話平時直播定必超時,呢日因掛念家中老公,直播一小時結束。

肥媽 謝嘉怡
謝嘉怡當選港姐冠軍後首個上的節目,是肥媽的烹飪直播節目。
【香港小姐2020】邀冠軍謝嘉怡上節目𢱑廣告 肥媽:我好cheap㗎咋
謝嘉怡因最愛食排骨,被肥媽改花名叫「排骨妹」。