馮盈盈

馮盈盈愛光豬周圍走 余思霆爆選華姐秘聞

最新娛聞

廣告

馮盈盈語出驚人就係人都知㗎啦!原來佢除咗講嘢開放,本身個人都好開放。最近佢喺節目《後生仔傾吓偈》中,就俾華姐冠軍余思霆大爆選華姐時嘅秘密,原來盈盈鍾意喺酒店剝光豬周圍行!

原文:環球膠報|圖片:Instagram、TVB截圖

馮盈盈愛光豬周圍走

近日大台節目《後生仔傾吓偈》中,華姐冠軍余思霆講起參選華姐嘅事,其中佢就大爆馮盈盈當時嘅真面目,原來馮盈盈鍾意喺酒店房內全裸周圍走,仲要除完衫唔係即刻去沖涼,而係呢度執下嘢,嗰度執下嘢!

余思霆話當年參選時,佢同馮盈盈住喺同一間酒店房。有日馮盈盈問佢:「你介唔介意我在你面前除衫?」,之後馮盈盈就喺佢面前脫淨bra同底褲,然後去沖涼。

兩大索女一齊沖涼……

去到第五日,馮盈盈將行動升級,唔單止喺余思霆面前除衫,今次仲直接剝光豬,咩都唔着,全裸喺房入面周圍走!不過余思霆都「不甘示弱」,後尾索性都剝光豬,仲同馮盈盈一齊沖涼。麥明詩聽到佢哋咁都忍唔住話:「個情景好hot啊!」。

同場加映:

馮盈盈Hashtag麥明詩留言藏玄機

事緣,馮盈盈早前就喺自己Instagram度上傳同麥明詩碰杯嘅合照,本身以為啲Caption正正路路、冇咩特別啦,點知肥仔黎都係太天真啦⋯⋯原來係喺馮盈盈嘅Hashtag同麥明詩嘅留言度暗藏玄機!

密碼講緊咩?唔明好過明?!

但係高手在民間!有討論區嘅網民就發現咗,如果連埋馮盈盈嘅Hashtag同麥明詩嘅留言睇,原來佢哋兩位一語雙關,引用咗大名鼎鼎嘅經典重口味巴西禁片「Two Girls One Cup」啦⋯⋯ 不過經過Google,各位無咩事都係唔好搵嚟睇啦,要睇都要俾足心理準備⋯⋯

網民意見兩極

其實做藝人形象愈鮮明,就自然愈容易有人討厭有人鍾意㗎啦!兩位港姐既然敢以真性情示人,都預咗會聽到負面聲音,不過事實上,網民嘅評論都唔係太一面倒啫~

有網民就讚佢哋兩個都高學歷,又玩得,所以真係好夾!唔知係咪係因為咁,另一網民仲話佢哋啲口吻愈嚟愈似添!

其實除咗背景相似之外,佢哋最近都真係成日一齊出席活動,又拍吓節目咁,開始Friend底,愈嚟愈似都唔係好出奇嘅~

之前佢哋喺《後生仔傾吓偈》度仲一齊Cosplay美少女戰士添!唔知大家又點睇佢哋嘅愈嚟愈鮮明嘅形象呢?

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!