馮盈盈《果欄》喊戲獲讚 拍嗰陣原來諗緊…
廣告
馮盈盈在早前一集《果欄中的江湖大嫂》中，因哥哥黃嘉樂慘死而上演一場爆喊戲，首次拍劇的盈盈表現不俗，睇到觀眾都好心痛！今日盈盈同劇中拍檔陳煒出席活動，提到爆喊戲獲讚賞，盈盈就自爆拍嗰陣原來諗緊死……
盈盈初演出喊戲
之後劇情講到馮盈盈去認番哥哥條屍，雖然盈盈演出經驗未算多，不過今次喊戲表現亦算不俗，睇到觀眾好心痛！
馮盈盈拍喊戲時諗緊…
今日馮盈盈與陳煒出席活動，提到早前的喊戲獲網民讚賞，盈盈首先多謝觀眾支持，並表示拍之前好緊張，覺得喊得出已經好開心。問到拍喊戲時佢諗緊咩？盈盈竟然自爆諗緊「死老竇」！不過講完發現唔對路，隨即靚兜話在劇中係「長兄為父」，哥哥係唯一親人，最後補多句：「所以呢套戲就要多謝我爸爸。」
馮盈盈表示男朋友當時都有一齊睇呢場喊戲，但佢睇時只係覺得自己好肉酸，眼睫毛甩咗一半，眼線又甩晒，不過原來大家覺得咁樣先係有感染力，自己會繼續努力！
