高海寧

《潛行極戰》收起性感演女警|孝順高海寧一生中最愛係佢……

最新娛聞

廣告

喺《飛虎之潛行極戰》中,飾演硬朗女警嘅高海寧,之前揚言要收起性感,不過佢偶爾都會喺IG派福利畀巴打,所以大家唔使驚佢「真.封胸」。

高Ling噴血上圍固然係賣點,但現實中,佢其實係密實姑娘,而且孝順又顧家,永遠把家人放在第一位,當中有一個人更加係佢嘅「一生中最愛」⋯⋯到底邊個成為性感咪神嘅最愛呢?

撰文:東方新地|圖片:新傳媒圖片、高海寧IG高海寧facebookTVB、電視截圖

高海寧《潛行極戰》收起性感

大台咪神高海寧(高Ling)喺無綫劇《飛虎之潛行極戰》中飾演女警長霍惠芸,今次高Ling收起性感,飾演硬朗女警,不少網友都話有型又吸睛。

高海寧十年前 選港姐

南京姑娘高海寧今年31歲,喺十年前參選2008年港姐競選,由於身材實在太突出,高Ling入圍不久已經備受關注,並被外間視為大熱。最後高Ling三甲不入 (三甲為張舒雅、陳倩揚及馬賽),不過隨即成為無綫旗下藝人,踏入娛樂圈。

 

為母親參選港姐

大家都知道高Ling參選港姐入行,但原來佢原本係不願意參選的。高Ling指媽媽兒時的夢想是做歌手,大概由17歲開始,媽媽就跟她說:「女兒,參選港姐吧!」,每年不斷重複,直到2008年父親也加入游說的行列,叫佢嘗試一次。其實高Ling真的不想參加,因為佢認為很多佳麗都是從海外回港,假如落選都可以回到原居地,但是有很多因素令自己卻步。最後為了圓雙親的夢想,便放手一試。

圈中出名孝順女

高海寧工作向來不錫身,毫不吝嗇大晒豐滿身材,難免令人有啲負面印象,但其實佢係圈中出名的孝順女、好家姐!高Ling永遠把家人放在首位,每逢大時大節都一定將時間留畀家人,聚埋一齊食飯,更不時於網上分享家庭照,非常孝順!

一生中最愛⋯⋯是外婆!

南京出世的高Ling自細由婆婆照顧長大,即使同父母來港後,一直掛念在鄉下生活的外婆,就算要拍劇的時候都會趁空檔跟婆婆視像通話。放假時,更加會飛返去南京探婆婆,仲話見到婆婆的笑容就乜都值得!

高Ling走紅後在香港的工作都排得密密麻麻,但她不忘本,無論如何都總會抽數天時間回去探婆婆,真是乖乖女!

高Ling曾於中秋佳節在IG上張貼出兩張與外婆的合照曬恩愛,照片分別於21年前和現時拍攝。從合照看,高Ling不論兒時或長大後都同樣愛錫婆婆,就如佢所說,二人的確是「彼此的一生中最愛」。每次一談起外婆,高ling總顯得特別感性:「你陪我長大我陪你到老」,亦祝福婆婆健健康康,可以繼續陪著佢,這份跨越兩地的婆孫情實在教人感動。高Ling由細靚到大,絕對是天然美女,而高Ling婆婆有乖孫陪伴過中秋亦十分高興。

「象鼻頂胸」超經典

既然身材係最大賣點,高海寧當然唔會吝嗇,次次見人都谷到盡,2009年時高Ling去泰國拍攝《美女廚房》特別版,著住低胸吊帶背心的高Ling被象鼻夾起,洶湧上圍即「奪衫而出」,非常誇張,堪稱經典!

高海寧出道後幾乎與「咪神」、「性感女神」劃上等號,無論出席活動、拍戲拍劇集還是綜藝節目都定必性感示人,大家亦清一色將焦點集中在其身材上。

高海寧:封胸有得有失

高海寧近年開始漸漸收起性感,佢希望大家唔好過份注重係佢身材上面而忽略佢演出嘅努力,雖然「封胸」導致佢少咗工作機會,但係佢就話唔介意有一段時間可能會失去一啲job或者角色,因為唔跨過,永遠都唔會有進一步嘅路、行得再遠啲。

宣布封胸 偶爾派福利

雖然高海寧唔係話包到實晒,久唔久都輕輕晒身材,不過相比以前已經保守咗好多啦!

高海寧做Gym引死人

夏天將至,女生又係時候努力keep fit!其中高海寧亦唔敢偷懶,早前佢上載自己做Gym的短片,片中可見到佢著上緊身V領低胸衫,內襯粉色運動Bra Top,表現一下努力得來的少少成果。上圍驕人的高Ling著住件咁窄的運動衫,企到咁埋個鏡頭度,除咗擔心佢抖唔到氣,網民都睇到抖唔到氣……

高海寧日練夜練 10kg啞鈴冇難度

素顏上鏡的高Ling指自己操練咗幾日,終於條腰返晒嚟,同時為咗上身整體線條更靚,即場舉起重達10KG的啞鈴,鍛鍊手臂和背脊肌肉。又指自己因為鍾意在夏天著露腰裝,所以要為馬甲線再加把勁咁話喎。點都好啦,網民們應該都無留心高Ling講咩,睇到眼定定~

高海寧完美呈現「男友視角」

唔知係咪做完Gym有啲成果,高海寧日前同朋友去旅行,亦繼續喺IG派福利,相中見到佢著上黑色一件頭泳裝,難掩火辣D Cup身材。加上高Ling用手輕托眼鏡、露出嫵媚神情咁望住你,呢個「男友視角」,真係不得了!

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!