麥明詩作詩贈哥哥30歲生日 網友大讚好文釆！
撰文：東方新地｜圖片：Instagram
餅印兄妹
麥明詩（Louisa）係個十優港姐就冇人唔知，日前佢就公開一張同父母一齊慶祝呀哥麥明山（Vincent）30歲生日嘅合照。相中見到Louisa同哥哥Vincent笑起上嚟成個餅印咁，驟眼睇就好似得個髮型同身型唔同咁！
麥明詩作詩贈哥哥30歲生日
難得呀哥已到三十而立之年，Louisa都順道發揮一下自己嘅文采，留言：「麥明山，而立之年，明其志，以生為善。山般穩，如石般堅，快馬去，舉目往前。」詩中更見呀哥個名兩次，可見Louisa作詩都有一手！
睇番Louisa同哥哥細個時嘅相，兩兄妹似乎係愈大愈似樣喎！大家又點睇呢？
同大家介紹番Louisa哥哥麥明山原來都係位高材生，13年畢業於中文大學醫學院，依家係個醫生，而且仲有位要好嘅女友，其女友仲好似已經成功融入麥家添！
麥明詩17歲初戀 中秋節打足一晚茄輪
當晚節目以中秋節做話題，麥明詩憶述初戀往事：「記得初戀拍拖係七月幾嘅時候，當時17歲幾，咁我哋過嘅第一個比較浪漫嘅節日就係中秋節，當日去咗公園度點蠟燭，但最後成晚都係打茄輪。」
在旁的陸浩明（6號）似乎覺得有啲驚訝，就問：「咁你媽咪知唔知？」反而馮盈盈食住月餅，淡淡然地話：「好正常啫，唔係唔知呀。」
麥明詩笑話：「當晚同屋企人食完飯先出去，我媽咪仲問我使唔使着靚啲，當晚我記得仲錫到好多人睥住我哋，因為嗰度好多人點蠟燭，好光呀！」
麥明詩嬲爆鏡頭前發火
麥明詩一嚟就呻：「話說有個男仔約咗我食飯，咁我有同佢食過一次飯，咁我覺得總要俾機會。食完一次飯我覺得冇興趣，咁我咪冇再同佢食飯囉！」
點知過咗一陣，個男仔嗰fd就同麥明詩講：「點呀！你近排溝佢溝成點？佢話佢係咁approach你，佢費事咁高調，所以佢就拒絕咗你。」
講完呢句麥明詩即刻火都嚟，仲嬲到即刻扔咗手上嘅紙牌！
麥明詩仲大爆咗句：「我覺得佢係懷恨於心，覺得俾人拒絕咗，於是佢就倒返轉頭話佢拒絕咗我。我話俾你聽呀！我拒絕你㗎，周圍唱我，真係好冇品。」
麥明詩被Do姐窒到口啞啞
今屆港姐出爐，貴為10A港姐的麥明詩（Louisa）今年就以師姐份首次擔任港姐司儀。相信最令大家記得嘅一幕，係喺泳裝問答環節，Louisa與馮盈盈負責其中一個問答環節，並配合Dodo姐問佳麗問題。當11號李明芙（Samantha）出場時，麥明詩負責問問題，問及關於公平的問題：「香港小姐得女仔可以參加會唔會唔公平？」起初Samantha都答到問題。
但其後麥明詩追問：「如果邊個佳麗當選咗你會覺得唔公平？」Samantha開始支吾以對，流露出尷尬嘅神情。Dodo姐見到Samantha面有難色，梗係馬上化解指：「唔洗逼住揀一個㗎。唔一定唔公平㗎嘛。」
點知麥明詩好似唔知Do姐係喺度俾落台階Samantha，反而向Do姐講：「Dodo姐咁nice嘅，我覺得好唔公平呀！我之前參選都冇咁樣…」隨即Do姐話麥明詩：「仲想點呀！你係香港小姐嚟㗎嘛！」結果窒到麥明詩只識得尷尬笑，但就令全場歡呼，成為全晚高潮之一！
麥明詩發文恭賀
日前，麥明詩於個人社交網發文恭賀今屆港姐冠軍陳曉華，其中乘機抽自己水留言寫道：「17號佳麗陳曉華選到香港小姐冠軍就最唔公平喇，已經咁靚、咁高、腿咁長、仲要係一個有愛心嘅護士，已經擁有咁多嘢再加多個港姐冠軍實在是太不公平了！」
及後，Louisa續指：「不過17號佳麗陳曉華憑著出眾的外貌、淡定的對答、空中瑜伽所展現的努力和力量，贏到港姐冠軍就最值得了！」
麥明詩慘成網民批鬥對象
本身出於好意嘅Louisa係想留言恭賀陳曉華勝出今屆港姐，更難得係Louisa大方抽自己水，本應就唔成問題嘅。不過，今次Louisa呢番留言就引起咗唔少網民嘅不滿，有網民佢「冇資格做主持」又話佢唔應該再提：「你選到咪叫公平囉，又抽水」仲叫佢衰咗就認，結果引起網民罵戰！
麥明詩冷靜回應
另一方面，麥明詩就梗係留意到大家嘅唔同留言，雖然飽受批鬥，但依然冷靜回應，留言指：「問題都係幕後團隊一起制定的」希望可以平息網民之間嘅罵戰！但有網民仍然就其回應繼續話Louisa，睇嚟今次Louisa都真係幾無辜，明明係真心恭喜陳曉華，但反而變成被網民批鬥嘅對象。
港姐決賽嘉賓司儀齊搶鏡
今年嘅港姐決賽嘅司儀組合與往年有啲變化，雖然冇咗鐵腳曾志偉，但今屆就有Do姐領軍，帶住農夫二人、陸浩明、麥明詩等人做司儀，陣容夠哂人強馬壯！一眾司儀當然唔少得落足心機裝扮到靚一靚，華麗出席當晚盛事啦！Do姐以黑色蕾絲邊deep V 嘅晚裝示人，令企喺正中間嘅Do姐更加亮眼！
兩位港姐冠軍麥明詩同馮盈盈以師姐身份首次做港姐司儀，雖然二人司儀經驗尚淺，但麥明詩事前就表示自己唔太緊張，因為佢哋只係負責補充，主要都係負責問答環節。
至於問到馮盈盈驚唔驚講錯嘢，一向言行大膽嘅佢就指呢個世界冇話講唔講錯，反而認為就算講錯都可能係個機會去畀大家補救，係一個表現嘅機會。隨後，麥明詩仲笑言佢兩個最叻就係講錯嘢。
將來還有什麼演唱會值得留意？
有不少歌手宣布舉辦演唱會，小編為你整合了2023香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
