黃子華

黃子華最後棟篤笑今開騷 又係時候回顧金句錄

最新娛聞

廣告

將棟篤笑演得出神入化的黃子華,一早被港人譽為「子華神」,子華神最後一次棟篤笑《金盆𠺘口》今日正式開騷,大家都要好好珍惜最後一次向子華大叫「除褲」、「回水」的機會…雖然棟篤笑唔係人人買到飛,不過子華神的金句語錄相信廣大粉絲都不介意重溫!只係子華神金句太多,小編呢啲凡夫俗子又點能夠盡錄~

撰文:東方新地|圖片:

黃子華最後棟篤笑

今年二月,黃子華宣布七月再開棟篤笑,今次《金盆𠺘口》棟篤笑票價,比2014年的《唔黐線 唔正常》上調不少,上次最貴飛都仲係$580,今次最貴就$880,其餘票價為$680、$480、$380、$280,繼續係一票難求!

加開至26場

黃子華今次棟篤笑可透過信用卡優先購票,即令fans瘋狂搶飛,一票難求!其後更加出現黃牛炒賣,而原定舉行17場騷的子華為了趕絕「黃牛」,決定加多9場,合共26場。新增場次日期為7月23至31號,並限定每人只能購買4張門票。

金句錄回顧:

  • 「搵食啫!犯法呀?我想㗎!」
  • 「錯就要認,要對方認!」
  • 「損人不利己,不如跳井死!」
  • 「大自然所有嘅動物都喺食物鏈上面。鏈嘅下層俾鏈嘅上層吃,一層一層咁鏈上去。」
  • 「我覺得講得出『我好鍾意返工』呢句說話嘅人,一定係鬼上身。」
  • 「香港既精神,就係『冇精神』。」
  • 「阿媽標仔參,邊個畀贖金?」
  • 「而家香港人生仔可以冇老婆,但唔可以冇菲傭。」
  • 「而家香港嘅問題,係所謂嘅婆媳糾紛,係一種必然瀨嘢嘅關係,係咪?除非你個新抱可以喺第一日入門,就全心全意同奶奶講:『奶奶,我愛你!』」
  • 「香港人而家打開報紙打開雜誌,就係睇緊《尋找X街的故事》。如果你起身就係要尋找一個X街,無人唔係X街,你只可以係未X街。但係你一定仆畀我睇。」
  • 「化妝就係你落咗妝,我仲認得你,你落咗妝,我唔認得你,嗰啲叫做喬裝。」
  • 「女人撞衫,仲大件事過撞車。」
  • 「男人係愛情上係要求新鮮,而女人對愛情最大嘅要求就係保鮮。」
  • 「你愛嘅,你得唔到;你唔愛嘅,你甩唔到。」
  • 「一個男人點都會hurt過一兩個女人。但作為一個女人一世都未俾男人hurt過,咁就係真正嘅hurt啦!」
  • 「若要人不知,唔好太低B。」
  • 「唔在乎你有冇俾人姦,只在乎你交唔交到單!」
  • 「比份糧你,一半係比你要嚟做嘢,另一半係比你要嚟受氣嘅。」
  • 「我係一個無雀嘅… 唔係,我係一隻無腳嘅雀仔……」
  • 「世事無絕對,只有無頭緒!」
  • 「I am a man. You are a pen.」
  • 「你食魚翅,我食粉絲;你揸Benz,我坐Bus。」
  • 「一千幾百,猶如垃圾,富貴於我如浮雲… 但係浮雲於我如命根啊。」
  • 「樹要皮,但人… 唔一定要面。」
  • 「你好巴閉咩?我夠有3個C啦,CHEAP、CHEAPER、CHEAPERPER!」

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!