黃子華

黃子華出席電影首映禮 霸氣神回傳聞一億「收山」

最新娛聞

廣告

藝人黃子華昨晚到銅鑼灣出席電影「中英街1號」首映,出關支持導演趙崇基。子華難得閉緊關都願意出關,就緊係要把握機會問下子華有關嚟緊7月嘅棟篤笑表演啦。另外,對於有傳黃子華今次打算賺夠一億就「收山」,佢就有神的回應!

撰文:東方新地|圖片:新傳媒圖片庫

黃子華出席電影首映禮

昨晚,黃子華連同溫碧霞、張達明等人一同出席電影首映禮。7月棟篤笑就開鑼,不斷努力籌備而閉關的子華難得出關,原來只為支持導演趙崇基,他笑謂:「基本上就不見外人了,但趙崇基叫我就沒辦法不來,我們是好朋友。」又指對方是自己第一次拍電影的導演,希望以後還有機會和對方合作。

黃子華出席電影首映禮 霸氣神回傳聞一億「收山」

黃子華講明今次棟篤笑係18禁

當提到即將來臨的棟篤笑表演,子華則表示自己壓力不大,會以平常心面對,同時坦言不可能再加場,因紅館要早一年訂場,再加場就要下年了。講到棟篤笑,當然要同大家了解下子華的棟篤笑中,會唔會涉及任何敏感題材,他就笑說:「我嘅騷次次都敏感喎,今次更加唔准18歲以下嘅人士進場,會有好多敏感題材。」

黃子華出席電影首映禮 霸氣神回傳聞一億「收山」

霸氣神回傳聞一億「收山」

對於有傳黃子華今次的棟篤笑打算賺夠一億就「收山」,他笑指:「我諗都唔夠膽咁諗,主辦商都冇話我有呢個價,同埋我都冇確定收山,我係收咪啫,可能趙崇基會搵我拍戲呢。」照咁睇,大家都唔洗擔心,因為以後還有機會在其他地方可以見到子華的演出。

黃子華出席電影首映禮 霸氣神回傳聞一億「收山」

黃子華收咪騷 史上最難撲飛

黃子華宣布做完七月棟篤笑《金盆𠺘口》,便正式收咪唔做,消息傳出震驚娛樂圈,令今次告別作成史上最難撲飛一次,尾場門票更被炒高至萬五元一張,身為主角的子華亦表示冇飛喺手,嬲爆呼籲大家唔好買黃牛飛。

黃子華
黃子華七月棟篤笑開四面台,每場容納一萬二千多觀眾,不過頭17場就只得唔夠三分一座位分開發售,一排黑影,見到買唔到,名副其實係絕望座位表,一開賣售票網已大排長龍,買到飛如同中六合彩。
黃子華
黃子華《金盆𠺘口》座位表 7月6-22日

據知情人士透露:「因為係最後一次,子華想畀真正支持佢嘅人買到飛入場睇,但好多朋友同佢講買唔到飛,搞到佢好忟憎,最後決定加開9場,同將大部分飛都推晒出去賣,但係都被黃牛搶購,令子華好激心,未開騷已經勞心勞力。」

黃子華
黃子華《金盆𠺘口》全城撲飛,有黃牛黨網站將原本880門票炒至15,000元,子華嬲爆拍片放上社交網譴責,呼籲觀眾不要買黃牛飛,又呼籲政府正視黃牛黨問題,未開騷,已發火。

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!