52歲陀女受盡白眼 黃澤鋒貼身護愛妻

撰文：東方新地 圖片：新傳媒圖片、黃澤鋒Facebook

黃澤鋒貼身護愛妻

家住屯門、身為屯門地膽，街坊鄰里不時見到黃澤鋒帶著太太Lilian拍拖覓食。去年底黃澤鋒在社交網絡公布太太懷孕喜訊，一向恩愛的兩公婆更形影不離，黃澤鋒亦更細心對待懷孕太太。日前兩公婆 在住所附近茶餐廳撐枱腳，醫飽肚專門兜路經過屋村和街市，讓陀住 七個月巨肚的Lilian活動吓手腳和筋骨。散步半個鐘、拖手拖足半個 鐘，風雨同路夫妻同心盡在不言中。

為生女搵命博

自公布懷孕以來，外界回響正負兩極，有衷心恭賀亦佩服Lilian夠膽量，更多的則是冷嘲熱諷甚至惡言詛咒。有人留言「鬼唔望你生個唐氏綜合症」、亦有人話「呢個年紀仲生太唔負責，到時邊個照顧邊個？」

據悉懷孕早期微絲血管爆裂下體出血、到懷孕中期雖然穩定下來，不過腳腫、唔夠氣容易疲勞以外，Lilian亦備受妊娠糖尿和濕疹煎 熬，好在整個過程有另一半陪伴並肩作戰，她在訪問中表示：「澤鋒係個100分老公，佢睇咗好多懷孕同育兒書，比我知得仲多。佢為咗畀我 多休息，一個人孭起成頭家，我希望BB將來見到爸爸嘅付出，會為爸 爸感到驕傲。」點止爸爸？呢對準父母都值得小黃妃驕傲愛戴！

黃澤鋒迎接小黃妃

與太太陳麗麗 10年結婚，婚後努力多年，卻直到今年初才成功懷孕預產期為七 月尾，黃澤鋒在社交網報喜，公開迎接女兒（暱稱小黃妃）的來臨。

患上妊娠濕疹

懷孕早期下體曾經出血、中期患上妊娠濕疹，其後又發現有妊娠糖尿，52歲 Lilian為人母的簡單心願來之不易。

黃澤鋒狂搵奶粉錢

被太太稱之為 100分老公，黃澤鋒為搵奶粉錢，現時除了是演員，還兼任泰拳教練、評判和游泳教練。