黎明

【獨家新相】 黎明新寵Wing Chan 陀B六個月

最新娛聞

廣告

黎明離婚六年感情再有滋潤!早前本刊獨家爆出黎明去年開始寵幸失婚女助手Wing Chan阿Wing閃升新寵做營業部經理,除咗喺黎明的多年心血AMusic打晒骰外,就連位於上水雙魚河St.Andrews Place的6千呎獨立屋,阿Wing都出入自如。 本刊近日收到可靠消息,指阿Wing狗年報喜將榮升人母,現已專心養胎的阿Wing,生完金叵羅,得寵程度定必再提升!

撰文:東方新地|圖片:東方新地

黎明與樂基兒的那些年

當年與樂基兒(Gaile)拍拖,黎明愛得高調,雖然雙方性格南轅北轍又相差13年,仍不時拖手外遊放閃,知道Gaile鍾意去沙灘滑水,黎明會陪她去峇里,知道Gaile熱愛滑雪,黎明會帶她去北海道,全世界都知他錫到Gaile燶。

不過離婚後二人形同陌路人,去年8月Gaile在加州再婚嫁商人,黎明一句祝福都無。

黎明女助手新寵曝光

當外界都以為黎明未走出情傷,但其實佢去年已有著落,與其唱片公司AMusic的女助手阿Wing過從甚密!獲黎明寵幸的阿Wing進駐上水雙魚河St.Andrews Place的6千呎獨立屋,又在AMusic身居要職。早前本刊記者直擊阿Wing獨自駕車離開黎明寓所,返回AMusic位於觀塘的辦公室,佢將車停泊在公司的專用車位,絕非小職員應有的公司福利。

公司打晒骰

據知除了黎明多年的助手子泉及御用司機阿B外,阿Wing已成為有影響力的公司決策者,入主AMusic做營業部經理,負責管人。又指黎明每次出埠工作,阿Wing都會主動想跟在身邊,但黎明都為免太高調而煞停,即使在香港外出時亦安排分車坐。

黎明新寵Wing Chan 陀B六個月

本刊收到可靠消息,指阿Wing不單成為天王新寵,更會在狗年榮升人母,現時已懷孕六個月!日前本刊拍得阿Wing由黎明寓所出發去shopping,可見佢腹大便便但行竹動輕盈,且剪了一頭短髮。

據知阿Wing現時在AMusic已是一人之下、萬人之上,不過近月個肚愈來愈大,返工次數則愈來愈少。知情者透露母憑B貴的阿Wing,產假未到已經可以選擇性返工,久唔久先以揸fit人姿態現身公司,同一般孕婦前四後六大有分別!大住肚入宮養胎的阿Wing,生完個金叵羅,得寵程度定必再提升!

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!