邦民女

黎紀君大意失「暈」? 回歷顧歷代索爆 邦民女

最新娛聞

廣告

近日網上瘋傳模特兒黎紀君(Christy Lai)的疑似露點圖,睇到大家浴火焚身,呢位第四代 邦民女 亦令人回想起歷代邦民女的光輝歲月!日本邦民貸款公司唔單止「易借易還」,挑選的廣告女郎個個高質,每代的 邦民女 都人氣強勁,當中包括陳嘉寶、羅凱珊同梁寶琪,大家仲記唔記得佢哋呢?你又最鍾意邊個?

黎紀君 大意失「暈」?

近日網上瘋傳Christy的疑似露點圖!全因Instagram的Snapchat功能累事,事緣Christy 同好友去澳門玩,諗住臨訓前出個Ig Story呃下view,點知就出事喇,見到佢着住白色吊帶衫,而好友着住粉紅色鬆身裙,本來就係一張普通的短片,但睇真啲發現Christy似乎真空上陣,郁動時疑似露出小部份乳暈!雖然Christy好快發現,即刻刪相,但已經被一班網民留哂底。

宅男女神 黎紀君 (Christy)

如果你對Christy印象唔深,其實佢係一個喺網上小有名氣的模特兒,2015年出任第四代邦民女。最近又喺ViuTV節目《全職媽媽放大假》同梁諾妍pair住做保母。Christy曾經同周秀娜前男友陳偉成十指緊扣現身中環夜蒲,早前又同過王宗堯拍拖,感情生活多姿多采。而Christy亦多次被指變樣,被翻出舊照對比,事實係點就… 唔知啦。

可愛人妻 陳嘉寶 (Anjaylia)

第三代邦民女陳嘉寶 (Anjaylia),大家會較為熟悉。Anjay就讀樹仁大學新傳系時已經係個略有名氣的模特兒,之後喺TVB劇《女人俱樂部》飾演李若彤的少女版大獲好評,後來喺重頭劇《殭》飾演何月,係黃又南妹妹,戲份唔算太多但形象入哂屋。Anjay四月時仲宣佈同半億男友結婚,結束4年長跑,事業、愛情樣樣有,想羨慕死人咩!

過氣嫩模 羅凱珊 (Kama)

第二代邦民女羅凱珊 (Kama),敢搏敢露,戰鬥力強悍,當年書展期間同周秀娜正面交鋒,出半裸、全裸寫真集,又同娜姐互放暗箭,針鋒相對,可以話係當年一大花生!雖然當年嫩模風氣盛行,但後來Kama被爆搭上李心潔丈夫彭順,當時被拍到二人在蘭桂坊酒吧喝酒後到酒店房間短聚,直至第二日先退房,形象大跌。Kama很早已經退出娛樂圈,重拾課本,現時已再冇公開露面。

第一代邦民女 梁寶琪 (Crystal)

第一代邦民女梁寶琪 (Crystal)不經不覺已經36歲,當年以24歲之齡,憑高貴大方的專業形象拍攝廣告,迷盡少男心。Crystal曾經做過少女歌唱組合3G一員。近年加盟香港電視並拍攝劇集《警界線》,在劇中轉短髮形象,飾演一名雙槍女賊,雖然獲網民好評,但人氣已大不如前。

全文完

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!