曾經窮到住劏房、冇錢置裝！黎諾懿感激鄭伊健出手相助⋯
撰文：東方新地 圖片：新傳媒圖片、劇照、Instagram
鄭伊健相隔7年再開個唱
相隔7年，鄭伊健前晚(2月24日)假紅館舉行一連六場的《Along With Ekin Live Concert 2019》演唱會，個唱頭場全場爆滿，伊健不但唱出經典冧歌及快歌，更換上多個造型。不過最驚喜仲係太太蒙嘉慧首場陪同伊健父母睇騷，向來鮮有講愛妻宣言嘅伊健，唔止望住觀眾席上的太太唱情歌，更罕有地喺公開多謝太太，好閃呀！
伊健唱出名曲《甘心替代你》，由與他合作多年的音樂監製陳光榮彈琴伴奏。之後冧歌一首接一首，好似《一個為你甘去蹈火海的人》、《仍能情深愛上》、《直至消失天與地》、《誰可情深如我》等都係大家耳熟能詳。
首場雖沒嘉賓，但伊健又邀得《古惑仔》好兄弟林曉峰老婆康子妮上台，擔任其中一個環節客席樂手，吹長笛伴奏，伊健還笑稱打算組成新組合名為「Cup Noodle」！
伊健唱出《廿世紀的戀人們》、《看天的日子》，唱完《蒸發眼淚》時，台的中間出現一個大的呼拉圈，伊健大顯身手做出多種高難度動作，又大展強壯臂力，用呼拉圈做引體上升，然後倒吊在呼拉圈上，看到觀眾狂歡呼。
伊健亦換上一件豹紋西裝，唱出多首快歌如《友情歲月》、《極速》、《野森林》、《Shine》、《快相》及《全城效應》等，伊健又更走到旋轉舞台中與舞蹈員一起跳舞。
伊健換上黑紅衫唱《情路狂奔》，dancers在台上不斷打筋斗，又玩疊羅漢。唱至《興波作浪》及《友情歲月》時，舞台上出現由舞蹈員操作、一紅一藍的機械人，齊齊同伊健對戰，加埋煙火爆炸效果，掀起另一陣高潮，唔講唔知，原來機械人裝置係由日本空運而來！
伊健話今晚見到很多fans，亦見到很多「自己友」，說罷他用國語跟歌迷打招呼又話歡迎光臨，之後佢用番廣東話笑問fans：「我啲國語係咪有進步？」無論佢講成點，其實fans都照單全收！
伊健唱完《迷戀》後走到台邊與觀眾握手，先多謝老細林珊珊，再多謝太太蒙嘉慧。呢晚，伊健太太蒙嘉慧陪同著老爺奶奶睇足全場，伊健獻唱情歌經典《一生愛你一個》時，他多次面向著觀眾席的上的太太憑歌寄意，真係好冧。
近年鮮有公開露面的蒙嘉慧，這段日子多陪伴伊健做運動及行山，伊健曾在訪問表示，太太身體不好，現時最重要是多休養身體，而太太跟家人的健康是伊健現在最大的責任。
鄭伊健 TVB台慶獻歌
睇番去年的無綫台慶上，伊健以壓軸嘉賓身份演出，喺台慶獨自solo一part，深情獻唱《直至消失天與地》和《一生愛你一個》，其中《直至消失天與地》更是伊健主演的1994年無綫劇《笑看風雲》插曲，經典中嘅經典！
原意想同黎諾㦤合唱
伊健唱畢後再與周柏豪合唱《友情歲月》，不過唔少網友認為呢個組合有啲奇怪，仲話難得伊健喺幕前唱歌，希望聽佢獨唱咁話！唔講唔知其實原先伊健想拉埋好友黎諾㦤上台合唱，只係黎諾㦤怕醜唔敢公開唱歌,最後婉拒了伊健。
「最接近神的男人」黎諾懿都試過捱窮？
喺無綫處境劇《愛‧回家》飾演馬壯一角而大受歡迎嘅黎諾懿近來不論事業、感情都如魚得水，更得到TVB重用於多套劇集擔任男一角色。原來過往呢位「最接近神的男人」都有過一段辛酸史，試過捱麵包、住劏房，生活要擔柴憂米。
黎諾懿之前喺接受電台訪問時就重提呢段捱窮史，但就特別提起佢嘅好兄弟鄭伊健，同感激佢喺自己危急之秋義氣相助，令大家知道更多兩人間更深層嘅經歷。
最窮嘅時期 多得有伊健相助
諾懿透露06年拍《溏心風暴》係佢人生中最窮嘅時期，喺紅磡住劏房期間多得有好友伊健相助，更會搵相熟導演介紹佢拍戲。諾懿早年在訪問中稱很感謝鄭伊健在他身邊出現，他提起舊時:「在最霉的時候，伊健會叫我去佢屋企揀衫，因為佢好多衫都只係着過一次，着完就會送俾我。」黎諾懿更憶起當時鄭伊健好貼心地話:「啲衫我都唔要，過嚟揀啦！我淨係喺大陸着過，香港唔會知嘅。」看來伊健真是對朋友義無反顧！
當年他們一起合作拍攝無綫劇集《隨時候命》。
二人不時相約食飯，伊健去買遊戲機用品，諾懿黎都有一齊去！
15年監製錢國偉和陳宛蔚結婚，二人都有齊齊出席婚禮，跟一班兄弟玩得很開心！
一齊滑水、打羽毛球 感情超好！
諾懿話兩人係經另一位朋友認識，後來會一齊滑水、打羽毛球、去到一齊拍劇，但近年兩人各有事業和家庭已甚少見面，「到咗今時今日，或者我哋依家係比較少見面，但嗰種情，一見面就係兄弟！」
原來佢做埋紅娘！
伊健經由諾懿介紹，認識依家嘅老婆蒙嘉慧，有傳諾懿這樣做是知恩圖報，不過佢就咁樣回應：「佢哋係經我介紹一齊打羽毛球而認識嘅，但能夠走埋一齊係佢哋嘅緣份。」
諾懿現在已經有一個美滿的家庭，兒子小春雞更是超級可愛！！
另一邊廂，他的好兄弟伊健一樣跟太太蒙嘉慧很幸福！
廷伸閱讀：鄭伊健8套經典無綫劇
睇番伊健以前喺無綫拍過唔少經典劇，而其中多套劇同陳松伶合演情侶，難得二人經常以情侶檔演出，不單止冇引起觀眾的反感，更成為咗當年深受觀眾喜愛的熒幕情侶，睇番《92鍾無艷》嘅劇照，兩人真係相當合襯，以下就精選了伊健的8套經典無綫劇，唔知你哋睇過幾多套呢？
1987年《鐳射青春》
87年伊健首次拍電視連續劇《鐳射青春》，全劇共12集，鄭伊健在劇中飾演樂隊成員，有彈bass，有唱和音！而同劇演員仲有陳潔靈、吳啟明、盧冠廷、蘇永康、黃澤鋒等等！
1990年《月兒彎彎照九州》
在1990年，松松陳松伶因演《天涯歌女》一炮而紅，之後她在20集的《月兒彎彎照九州》再擔正主演，仲大唱懷舊金曲，劇中同飾演富家少爺嘅鄭伊健相戀！
松松單是跟伊健合作的起碼有7部劇，她曾說：「第一次同鄭伊健合作係《月兒彎彎照九州》，當年大家年紀都很小，我剛剛上大學，他整天叫我：「你快點上學吧」。
1991年《蜀山奇俠之仙侶奇緣》
由蕭笙監製的仙俠劇《蜀山奇俠》劇播出後創下高收視率，但那時的男女主角關禮傑、楊寶玲因為約滿離開電視台，所以續集《蜀山奇俠之仙侶奇緣》由新人鄭伊健和松松擔正。
松松飾演峨眉派掌門余英男，伊健演血魔傳人，之後改邪歸正的石生！雖然《蜀山奇俠之仙侶奇緣》出街後收視一般，但觀眾都認為二人極合襯！
1992年《鍾無艷》
1992年《鍾無艷》陳松伶飾演的鍾無艷是一位相貌醜陋但心地善良、熱心助人的現代女子李愛，因貌醜而遭男友遺棄，傷心之下，墮樓毀容，豈料卻因禍得福，手術後愛竟成絕色。愛出院，發覺父(劉江飾)、繼母(柳影虹飾)及妹(陳珮珊飾)已遷居避債，遂寄居工友傑(鄭伊健飾)鄰居美(林其欣飾)家！
李愛以新身份回廠工作但未幾被炒，卻反為生(曾航生飾)發掘，簽約訓練成廣告明星。期間，傑以真誠打動李愛芳心，二人共墮愛河…
1994年 《婚姻物語》
1994年《婚姻物語》伊健與陳松伶的第四次合作，那時香港掀起日劇《東京愛情故事》熱潮，無綫效仿推出類似劇情的《婚姻物語》，鄭伊健在劇中飾演廣告公司職員程方中，陳松伶則出演鄭伊健的青梅竹並且他暗戀多年的蓮至美，最後當然是有情人終成眷屬。
95年 《笑看風雲》
1995年重頭劇《笑看風雲》可算是鄭伊健與陳松伶事業上的轉捩點，伊健演活了正義又深情的包文龍，而被導演王晶發掘踏入影壇，並憑一系列的《古惑仔》電影大紅大紫。
而松松一改以住開朗的鄰家女的戲路，演一個表面自閉性情古怪，實情外冷內熱的少女林貞烈，二人最後還是相戀！
在以往的劇集二人總能開花結果，但此劇，松松被飾演反演的郭晉安燒死，令伊健痛不欲生！
2005年《隨時候命》
在2005年無綫劇集《隨時候命》中，鄭伊健飾演的Matt守候佘詩曼飾演的Carrie長達幾年，即使對方昏迷後醒來失去記憶都不離不棄，可惜仍未能走到最後，最後伊健跟鍾嘉欣成為一對。
《赤沙印記@四葉草.2》
伊健在《赤沙印記@四葉草.2》客串演出，原來他倆已是最後一批歌手為該劇客串演出，還特地要求自度故事，還特地要求自度故事，最後選擇咗比拼打羽毛球。
延伸閱讀：
伊健激將法鞭策！蒙嘉慧甩廿磅肥肉復出
鄭伊健再踏紅館開騷，同一時間老婆蒙嘉慧( YoYo)亦宣布新動向，復出拍邵氏網劇《飛虎之雷霆極戰》，被指婚後暴肥的YoYo,更成功減肥廿磅變索開工;原來之前因滑雪跌傷導致左腳韌帶撕裂,之後又不小心整傷埋右腳,醫足兩年先康復，受傷不能做運動搞到變肥師奶﹐今次離巢無綫五年再復出拍劇當然唔衰得，YoYo早在三個月前已狂操減肥，狀態回勇仲話老公伊健未滿意，「 佢話我仲可以苗條啲！」睇嚟有老公激將法鼓勵，蒙嘉慧好快索過做女時！
蒙嘉慧 腳傷醫足兩年
13年成功降服經常被指係大細路唔願結婚的鄭伊健，蒙嘉慧嫁人校啱時間約滿離開無綫,婚後五年只間中出活動及客串拍港台劇﹐過悠閒幸福少奶奶生活更發福暴脹，更一度被以為有孕變肥。人人以為YoYo有老公錫唔憂做先變肥師奶，原來發福另有原因，兩年前YoYo因滑雪跌傷引致左腿大髀內側韌帶撕裂，之後又因打羽毛球跣低﹐再弄傷右腿腳踭韌帶，對腳連環受傷治療長達兩年，搞到不能運動而變肥。
演靚老闆娘
據知情者透露:「 本身阿Yo好鍾意運動,除咗打羽毛球仲鍾意跑步做gym,但左腳受傷之後,佢停咗運動一排,點知打羽毛球又唔小 心跣親,搞到右腳都傷埋,手尾好長醫咗成兩年,受傷之後,伊健好 緊張唔畀佢再做劇烈運動,阿 Yo自己亦都好小心,驚再唔小心整親會 好麻煩,閒賦家中養傷,搞到自己肥晒囉!」
近日宣布復出拍劇,蒙嘉慧極速狀態回勇,原來在新劇《飛虎之雷霆極戰》同三哥苗僑偉有感情線,YoYo今次復出唔使做飛虎隊拍動 作戲,反而係要做有型又靚的時裝店老闆娘,亦因此緊張狂操復 出,愛妻號伊健更專登用激將法鼓勵老婆減肥。據知情者透露:「 阿 Yo 跌親受傷,伊健緊張到要老婆以後做運動一定要做足安全保護,連運動鞋都幫阿 Yo換過晒,其實伊健唔介意阿Yo肥定瘦,但佢知老婆好重視今次復出拍劇,佢特登用激將法話仲可以再fit啲嚟鞭策老 婆,一得閒仲陪老婆一齊操 fit 㖭!」女人最大幸福咪係嫁到個好老公,可以生活無憂兼有人錫囉!
咪睇平日似足大細路掛住玩,伊健其實對老婆非常細心, 得知YoYo復出拍劇擔心自己唔夠fit,更主動陪老婆做運動keep fit,還用埋激將法話嫌老婆肥激勵老婆減肥,用心良苦！
離巢五年復出
邵氏網劇《飛虎之雷霆極戰》,除咗有原班人馬苗僑偉、黃宗澤、吳卓羲及梁烈唯演出外,新加入吳啟華及蒙嘉慧等演技派演員,不 過蒙嘉慧劇中同三哥最多對手戲。
生活貼地
蒙嘉慧同老公鄭伊健一樣,生活貼地樸實,早前她就一個人由南灣住所過海到油麻地廟街,只為買碗牛雜河外賣。
9秒9買外賣
泊低車行去買外賣,買完再9秒9行返上車驅車返家,蒙嘉慧行動極速!
打扮勁似伊健
當日蒙嘉慧一身黑色造型,同老公鄭伊健平常打扮 似到足,大有女版伊健 feel,名副其實夫妻同心!
13年1月同鄭伊健日本低調結婚後,蒙嘉慧便 減產養尊處優,近年身形更不斷膨脹,高峰期重達130磅!
行山鍛鍊
滑雪打羽毛球連環跌傷的蒙嘉慧,傷完左腳再傷右 腳,足足治療兩年先康復,因腳傷做唔到劇烈運 動,YoYo一有時間就會到林姍姍老公Michael的健身室 做簡單運動,或者撐住行山棒去行山藉機活動一下！
幸福人妻
婚後有老公錫,蒙嘉慧亦放慢工作步伐, 減產做全職家庭主婦專心照顧老公,幸福人妻生活寫意!
約滿無綫後,蒙嘉慧14年曾簽約香港電視一年,不過王維基最終不獲發牌開唔成台, YoYo 近年只間中出吓活動及幫港台拍劇輕鬆過戲癮。
幸福少奶奶生活日常離不開行街high tea,大忙人老公要開 工,YoYo就hightea享受生活。
蒙嘉慧同老公伊健無論性格同 喜好都非常夾,兩人同樣熱愛 日本,每年例必到當地朝聖幾 次,早前同伊健到日本仲一齊 行山,享受另類浪漫,YoYo更 拍下老公行山背影!
久未拍TVB劇的蒙嘉慧，早喺2013年出席活動時身形明顯暴脹，被人誤會同老公鄭伊健造人成功，但原來只係因為去旅行食多咗，當時Yoyo仲口口聲聲話會減肥！點知事隔一排，日前再出活動的Yoyo竟然比之前再肥咗一圈，體重高達130磅！她說：「連續幾晚同伊健一齊食一個月餅，一定好肥，加上又去咗英國旅行，所以就變成咁！」Yoyo仲自爆老公伊健嫌棄佢肥：「佢同你哋係咁講(鍾意我肥)，返到去咪一樣話我肥！」
蒙嘉慧當家花旦
現年45歲的蒙嘉慧，1994年起已經開始拍電影，有著清秀可人的外表及高佻修長，大導演杜琪峯當年都對Yoyo甚為欣賞。2000年加入TVB後，佢演出唔少膾炙人口的劇集，一直穩坐無綫當家花旦之位，至2013年方離巢。
嫁伊健做幸福人妻
蒙嘉慧與鄭伊健因打羽毛球結緣，拍拖約七年後，2013年時與伊健在東京拉埋天窗，婚後Yoyo逐漸淡出幕前，專心做個幸福人妻，享受家庭生活！
蒙嘉慧近年已甚少會在公開場合亮相，不過睇番啲相其實佢都算keep得幾好，天生麗質、加上養尊處優確係寧舍不同～
將來還有什麼演唱會值得留意？
有不少歌手宣布舉辦演唱會，小編為你整合了2023香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！