龐卓欣

龐卓欣一千二百萬買樓 爸爸負責畀首期!

最新娛聞

廣告

2015年港姐亞軍龐卓欣(Ada)近日被傳媒揭發成功上車做業主,還以1,200萬買下單位!Ada首次榮升業主,原來背後是靠自己的「有米爸爸」畀首期,難怪她可以輕鬆上車!

撰文:東方新地|圖片:Instagram-龐卓欣

龐卓欣一千二百萬買樓

26歲的龐卓欣(Ada)自從卸任港姐後,決定選擇做KOL及教小朋友唱歌搵食。近日就有傳媒爆出Ada在老竇支持下,成功首次置業,並以1200萬下一個位於銅鑼灣的700呎單位過獨居生活,輕鬆上樓!

龐卓欣爸爸負責畀首期

人人話上樓難,但對於有個擔任東驥基金管理董事總經理的「有米老竇」龐寶林做置業後盾,Ada要上車有何難度?據知,今次Ada老竇有份幫個女畀首期,所以個女可以做業主。

事件爆出後,Ada接受傳媒訪問時提及買樓是一個好的投資,並強調層樓要自己供,所以有壓力兼要迫自己儲錢。

至於被問到為何爸爸會出錢四樓俾佢,Ada就表示因為爸爸知佢一直希望有自己私人空間,又認為買樓會係一個好投資,所以今次出錢買樓畀佢。

Ada接受訪問時仲勸勉現今的年輕人不要放棄,因買樓是有回報。據知,Ada現手持的單位,近幾個月,帳面價已升多三百萬,難怪佢會輕鬆地叫大家不要放棄。

龐卓欣成立二手網店

另外,據知佢有意於網上成立二手網店,皆因佢喺搬屋期間發現自己有大量二手衫唔會再著,所以一於唔好浪費,攞出嚟賣俾大家,兼乘機發展不同事業。

龐卓欣事業愛情兩得意

2015年選完港姐的龐卓欣(Ada),奪亞軍後冇簽約無綫,反而專注發展自己的事業,一邊教唱歌、一邊拍片做KOL,加埋男朋友Solomon的無限支持,真係事業愛情兩得意。

龐卓欣晒導彈胸

近日龐卓欣趁有時間,即刻同男朋友Solomon飛去美國歎世界,參與音樂節活動。今次龐卓欣晒恩愛不特止,著住件白色喱士tube top晒火辣身材,4吋事業線一覽無遺!

音樂節片段中,龐卓欣不時跟隨音樂節拍扭動小蠻腰,一對導彈胸跟住擺動,真係睇到網民眼都凸埋!另外龐卓欣留言表示,自己同男友就係五年前喺呢個音樂節上認識,五年後今日男友依舊係佢最愛!非常sweet!

既然有索爆身材,龐卓欣一啲都唔孤寒,不時都會喺社交網站分享性感相片,仲要唔噴血唔post,勁吸睛!

龐卓欣泳裝又得,高貴禮服又掂,真係睇到小編流晒口水……

龐卓欣狂派福利,唔知男友Solomon有冇呷醋呢?

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!