想學不老女神擁有白滑美肌？即睇10位女星護膚秘笈

撰文：東方新地｜圖片：新傳媒圖片庫、關之琳、范冰冰、舒淇、陳慧琳IG、章子怡微博、鄭秀文、李嘉欣、劉嘉玲、陳妍希、林志玲IG

10大女星護膚秘笈！

關之琳 食糊仔養顏

大美人關之琳雖然已55歲，但皮膚好過好多後生女！原來佢以食來護膚：「每朝早我會將木耳剁碎，然後跟紅棗同杞子一齊蒸15至20分鐘，蒸成糊狀，空肚食。呢3樣食物有好多纖維，對腸胃非常好，皮膚自然好，又可以補氣補眼。」

rosamundkwan（@rosamundkwan）分享的貼文 於 PDT 2018 年 4月 月 30 日 上午 8:36 張貼

范冰冰 日日敷面膜

36歲嘅冰冰肌膚勝雪，祖籍山東嘅佢直言北方冬天異常寒冷乾燥，妙招就係日日敷面膜！而且會選擇保濕補水型面膜，每日收工回家卸妝潔面，然後瞓低就敷張mask，此外，更唔會固定用某一品牌面膜，會輪流交替使用，這樣可以刺激肌膚，吸收效果更好，自然令皮膚更有彈性同光澤！

Fan Bingbing 范冰冰（@bingbing_fan）分享的貼文 於 PDT 2018 年 5月 月 13 日 上午 7:52 張貼

舒淇 過牛の生活

42歲舒淇雖然平時都好為食，但為了上鏡時樣子更靚，飲食習慣以少食肉、多食菜為主，餐餐必吃大量蔬菜，仲要係有機兼唔使烹調，同牛冇分別！而且舒淇認為充足睡眠很重要，每天最少睡8小時，不行的話至少也要睡5、6個小時，還要多飲水、堅持做運動。她喜歡跑步、打羽毛球、做SPA (水療)，有時早上會預留時間跑步出一身汗，人會精神些，皮膚都會健康些。

另外舒淇有個小習慣，就係每晚臨瞓會飲一杯酒，威士忌或紅酒，她謂：「可能第二日起身會有水腫，有人會飲黑咖啡去水腫，但我每天起床做的第一件事是飲蜂蜜，好過飲咖啡。」

SQ（@sqwhat）分享的貼文 於 PDT 2018 年 6月 月 25 日 上午 2:12 張貼

SQ（@sqwhat）分享的貼文 於 PDT 2018 年 6月 月 30 日 上午 3:34 張貼

陳慧琳 瞓覺大過天

45歲陳慧琳雖然係兩子之母，但無論身形同皮膚都同後生女冇分別！Kelly笑言青春之道在於瞓，笑言睡眠係最好「護膚品」，她謂：「瞓覺係我強項！因為瞓得唔好，整個人冇晒精眼，所以瞓覺好重要！另外，每日早晚都要護膚，包括卸妝、洗臉、爽膚同滋潤，就係咁簡單！」而本身不太喜歡吃補品的Kelly，卻很喜歡吃燕窩，認為多吃燕窩可以養顏美容，令皮膚光滑細膩，不會有皺紋。

Kelly Chen 陳慧琳（@kellychenwailam）分享的貼文 於 PDT 2018 年 7月 月 6 日 上午 2:52 張貼

🗣🎼”人生於世上有幾個知己” ，唱得咁好點解都唔放我走？！🤷🏻‍♀😭 #佛山監獄風雲 #肥媽金曲 #人生於世上有幾個知已 📹@locatherine112
Kelly Chen 陳慧琳（@kellychenwailam）分享的貼文 於 PDT 2018 年 7月 月 18 日 上午 3:15 張貼

章子怡 果汁不離身

39歲章子怡肌膚水潤飽滿，佢表示最鍾意飲蔬果汁，一得閒就會自己榨蔬果汁，奇異果、葡萄、紅蘿蔔等更係至愛！佢認為蔬果汁可以為肌膚補充微量元素同維他命，幫助強健膚質，令皮膚鎖水保濕效果變得更好。佢又提醒大家要同佢一樣多飲水，無論係茶定暖水都要飲多啲，再敷mask，更加相得益彰。

鄭秀文 注重補水防曬

45歲鄭秀文近年熱愛運動，整個人精神不少，皮膚質素更勝以前！Sammi雖然貪靚，但好少去美容院，認為護膚愈簡單愈好，所以平時甚少化妝，並且特別注重卸妝清潔同保濕這兩個環節，Sammi謂：「補水同防曬係保護肌膚基本步，亦係最重要環節，我平時外出工作，皮膚會好易缺水同出斑，令肌膚失去彈性，所以無論外出或閒在家中，都要防曬！」

另外，Sammi表示心情好壞亦會影響皮膚質素，所以提醒自己時刻保持好心情，多關心身邊人同事，心境自然平靜順心，人都會靚啲！

Sammi Cheng Sau Man（@sammi_chengsauman）分享的貼文 於 PDT 2018 年 7月 月 6 日 下午 9:36 張貼

Sammi Cheng Sau Man（@sammi_chengsauman）分享的貼文 於 PDT 2018 年 7月 月 8 日 上午 5:23 張貼

Sammi Cheng Sau Man（@sammi_chengsauman）分享的貼文 於 PDT 2018 年 7月 月 14 日 上午 12:02 張貼

李嘉欣 水果排毒法

48歲大美人李嘉欣表示，護膚單靠美白、潔膚、補濕同防曬都唔夠，最重要係食！尤其每天早餐最重要，所以佢只食水果，認為這樣能有益腸道排毒，從而令皮膚變得更好。

李嘉欣（@michele_monique_reis）分享的貼文 於 PDT 2018 年 4月 月 5 日 上午 2:26 張貼

劉嘉玲 紅薯撈飯

52歲劉嘉玲曾於訪問中表示，試過一個月堅持4至10日，持續每日早餐食一細碗飯丶兩個紅薯丶兩種菜，少吃肉，加埋每日堅持運動，不但肌膚更有彈性，體重亦由120磅減至100磅左右！

Carina Lau/劉嘉玲（@carinalau1208）分享的貼文 於 PDT 2018 年 7月 月 15 日 上午 8:01 張貼

Carina Lau/劉嘉玲（@carinalau1208）分享的貼文 於 PDT 2018 年 7月 月 17 日 上午 2:28 張貼

陳妍希 飲紅豆水

35歲女神陳妍希肌膚白皙光滑，對於很多人都有的水腫及天氣轉變時皮膚變差的問題，女神有三寶幫大家，就係紅豆水、茶同運動！原來飲紅豆水能幫助水分循環與新陳代謝，排除體內濕氣，有助解便秘、自然達至消肚腩作用。而飲用時應以熱水為主，「不要喝冰水，會讓代謝降低！」

而每天晚上6點後，佢就建議大家盡量唔好飲太多湯水，而且要定期做運動，遊水、跑步、瑜伽等最好。

Michelle Chen（@yanxi531）分享的貼文 於 PDT 2018 年 6月 月 26 日 下午 1:08 張貼

Michelle Chen（@yanxi531）分享的貼文 於 PDT 2018 年 6月 月 21 日 上午 6:10 張貼

林志玲 保濕勝過一切

43歲Chiling表示為避免肌膚變得粗糙，除了多吃水果同做好卸妝外，自己會隨身攜帶保濕噴霧，當覺得肌膚乾燥時，就立即使用補水滋潤吓，咁樣皮膚自然更光滑！

林志玲chiling（@chiling.lin）分享的貼文 於 PDT 2018 年 7月 月 16 日 上午 7:26 張貼

林志玲chiling（@chiling.lin）分享的貼文 於 PDT 2018 年 6月 月 22 日 上午 3:09 張貼

林志玲chiling（@chiling.lin）分享的貼文 於 PDT 2018 年 5月 月 20 日 上午 4:16 張貼