Bob再遇菲版心穎：肥咗又靚咗！
廣告
2016年農曆年初三Bob(林盛斌)去拜年時遇上一位外傭姐姐，個樣激似曬黑咗少少嘅黃心穎，當時佢即刻捉實對方狂影合照，仲笑言：「去拜年，見到黃心穎！」相隔兩年，今年Bob再次在年初三拜年時遇到呢位菲律賓版心穎BB，當然又唔少得一輪合照留念，Bob仲留言大讚對方「肥咗又靚咗」！
撰文：東方新地
圖片：網上圖片
Bob 四代同堂拜年
今年年初三(2月18日)，Bob一家五口著到紅噹噹去拜年，同婆婆、父母、弟弟一家影大合照，開心笑謂：「淨係呢度已經一圍枱，四代同堂，勁呀喂！」獲網友祝福佢哋好快五代同堂。之後Bob又post出同菲版心穎在桃花前嘅合照話：「兩年冇見，非(菲)律賓心穎BB肥咗又靚咗！」網友都話真係幾似，有網友仲擔心馬明會唔會認錯人㖭！
