歐瑞偉

歐瑞偉離《家》出走?網民嗌罷睇

最新娛聞

廣告

喺處境劇《愛.回家之開心速遞》飾演「舅父」KC嘅歐瑞偉,日前忽然宣布即將離開《愛.回家》劇組,令網民都好擔心佢同Terry呢對《愛.回家》嘅「最強CP」將會冇好結果,仲有人話要罷睇㖭!不過歐瑞偉就回應話佢只係離開個幾月返內地拍《包青天》外景,拍完之後就會「回家」重投Terry懷抱!

撰文:東方新地
圖片:新傳媒圖片庫、歐瑞偉IG

歐瑞偉:只係離開個幾月

歐瑞偉喺《愛.回家》中因為同「Terry」李偉健嘅曖昧HeHe情而大受歡迎,日前佢出席一個活動時,喺台上預告將會離開《愛.回家》劇組,仲話:「喺呢個月底會有三集都係講我,係一個幾特別嘅經歷,好開心,但係都好傷感,不過傷感得嚟,又好好笑喎,真係好多謝劇組,可以令到呢套劇咁多人鍾意!」呢段說話一出,即有網民問「Terry點算?」甚至話要罷睇《愛.回家》,不過歐瑞偉就話佢只係返內地拍《包青天》:「大約會拍個幾月,拍完之後就會投入番《愛.回家》嘅劇組。」仲叫大家千祈唔好罷睇㖭!

網民最喜愛的《愛.回家》HeHe情侶

拍得住當年《真情》集數嘅《愛.回家》 系列,現在依然《開心速遞》中,是香港人食飯時嘅最佳配菜,已經播到第三輯嘅《愛.回家》 出咗唔少對讓觀眾津津樂道嘅熒幕情侶,每一對情侶嘅愛情故事都刻骨銘心,有歡樂有悲傷。Terry(李偉健飾) 同KC (歐瑞偉飾)呢對活寶每次出場都笑料百出,佢哋兩人嘅關係錯綜複雜,既係兩師徒又係好拍檔,仲上演過男男SM戲碼,趣味性十足,亦看得出兩人嘅感情十分好!

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!