MIRROR

MIRROR演唱會|Ben Sir唱反調稱古天樂呼籲停止轉發不安片段是淡化行為

最新娛聞

廣告

MIRROR第四場紅館演唱會發生嚴重事故,事後古天樂深夜發文呼籲停止轉發不安片段,並促請相關人事全面關注事件,以免重蹈覆轍,容祖兒、COLLAR成員等眾星亦在網上集氣願傷者渡過難關。不過Ben Sir歐陽偉豪似乎唔太認為古天樂的意見,更質疑「唔好Share」其實係淡化行為!

MIRROR演唱會
MIRROR第四場紅館演唱會發生嚴重事故,兩名舞蹈員受傷送院。(圖片來源:IG@mirror.weare)

古天樂呼籲停止轉發不安片段

MIRROR第四場紅館演唱會發生嚴重事故即時腰斬,悲痛消息受各界關注,香港演藝人協會主席古天樂得知消息後隨即喺Facebook 發文,呼籲大家停止轉發事故不安片段,以免造成傷者、其他舞蹈員等相關人士二次傷害。古天樂續說,意外係一次都嫌多,而家最需要優先處理同協調事件,大家亦要全面關注台前幕後工作人員演出安全問題,並希望各界能以正念為傷者集氣祈福。

MIRROR 古天樂呼籲大家停止轉發事故不安片段,以免造成傷者、其他舞蹈員等相關人士二次傷害。
古天樂呼籲大家停止轉發事故不安片段,以免造成傷者、其他舞蹈員等相關人士二次傷害。(圖片來源:Facebook@louiskoo)

Ben Sir以中文角度「回應」古天樂

Ben Sir 日前在社交網站上寫道:

世上有互聯網,你就叫人唔好share條片。中文有慘劇一詞,你就用事故,好似塞車事故咁。中文有追究責任,革職查辦,你就用嚴肅處理同跟進,好似pr 跟進event咁。中文有現在式你唔聚焦,你就帶風向帶到將來防止意外發生嘅境界,咁識得未雨綢繆就唔會有當日嘅意外。

加句”為咗尊重傷者” 嚟合理化某啲立場,就好似加句”為咗你好”一樣。
對於以上種種嘅淡化行為,我哋爲咗尊重傷者要嚴肅跟進,其實都係爲咗你好。

似乎BenSir唔係太認同古天樂所講停止轉發影片一事。

MIRROR
(圖片來源:IG@ben_sir_dr_ben_)

容祖兒、張敬軒眾星網上集氣求傷者平安

英皇歌手容祖兒有豐富舞台演出經驗,知悉意外發生,便以黑底白字喺個人Instagram帳戶打上十二個大字:「吉人天相,祝所有人平平安安。」其粉絲亦保持隊形,同Joey一齊為傷者求平安。另外,張敬軒、陳奕迅、陳慧琳、謝安琪、張繼聰、ERROR、COLLAR等歌手紅星及舞蹈員也為傷者集氣,祝願二人能早日康復出院。

MIRROR 英皇歌手容祖兒知悉MIRROR演唱會意外發生後,為傷者集氣祈求古人天相同平安。」
英皇歌手容祖兒知悉MIRROR演唱會意外發生後,為傷者集氣祈求吉人天相同平安。(圖片來源:IG@yungchoyee)
MIRROR 張敬軒:「先為傷者祈禱,要集氣,若有家人或朋友今晚目睹事件經過,請盡能力照顧好他們的情緒或提供適當情緒輔導及陪伴。」
張敬軒:「先為傷者祈禱,要集氣,若有家人或朋友今晚目睹事件經過,請盡能力照顧好他們的情緒或提供適當情緒輔導及陪伴。」(圖片來源:IG@hinscheung)
MIRROR COLLAR於IG宣布今日暫停所有活動及訪問。
COLLAR於IG宣布今日暫停所有活動及訪問。(圖片來源:[email protected]
MIRROR 陳慧琳:「希望順利渡過難關,為你們祈禱。」
陳慧琳:「希望順利渡過難關,為你們祈禱。」(圖片來源:IG@kellychenwailam)
MIRROR 佘詩曼於網上集氣求傷者平安。
佘詩曼於網上集氣求傷者平安。(圖片來源:Facebook@charmainesss)
MIRROR 陳奕迅於MIRROR演唱會發生嚴重事故後,喺Instagram發布一張全黑照片。
陳奕迅於MIRROR演唱會發生嚴重事故後,喺Instagram發布一張全黑照片。(圖片來源:IG@mreasonchan)
MIRROR TysonYoshi於網上集氣求傷者平安。
TysonYoshi於網上集氣求傷者平安。(圖片來源:IG@tysonyoshi)
MIRROR 江海迦Aga)於網上集氣求傷者平安。
江海迦(Aga)於網上集氣求傷者平安。(圖片來源:IG@agaseen)
MIRROR 謝安琪於網上集氣求傷者平安。
謝安琪於網上集氣求傷者平安。(圖片來源:IG@kaytse)
MIRROR 張繼聰於網上集氣求傷者平安。
張繼聰於網上集氣求傷者平安。(圖片來源:IG@louischeung2013)
MIRROR 姜皓文於網上集氣求傷者平安。
姜皓文於網上集氣求傷者平安。(圖片來源:IG@black_gorgor)
MIRROR演唱會 MIRROR 舞台劇演員梁祖堯IG。
舞台劇演員梁祖堯於網上集氣求傷者平安。(圖片來源:IG@pumpkinjojoinstagram)
MIRROR演唱會 MIRROR DJ朱薰亦祝願傷者平安。
DJ朱薰祝於網上集氣求傷者平安。(圖片來源:IG@chufune)
MIRROR演唱會 MIRROR 柯震東IG。
柯震東於網上集氣求傷者平安。。(圖片來源:IG@kaikaiko)
MIRROR演唱會 MIRROR 婁峻碩IG。
婁峻碩於網上集氣求傷者平安。。(圖片來源:IG@shoumethemoneyxx)
MIRROR演唱會 MIRROR 肥仔IG。
肥仔@ERROR 祈求已送院舞蹈員無事。(圖片來源:IG@fatboyip)
MIRROR演唱會 MIRROR 阿Dee IG。
吳啟華@ERROR於網上集氣求傷者平安。。(圖片來源:IG@deegor_hkwa)
MIRROR演唱會 MIRROR Dancer IG報平安。
同台演出嘅Dancer 喺Instagram報平安。(圖片來源:IG@saiter)
MIRROR演唱會 MIRROR Dancer IG 報平安。
同台演出嘅Dancer 喺Instagram報平安。(圖片來源:IG@beeplok)
MIRROR演唱會 MIRROR 希望佢哋冇事。
同台演出嘅Dancer 喺Instagram祈求兩位舞蹈員冇事。(圖片來源:IG@beeplok)
mirror演唱會 Edan很快便出貼全黑ig story,不過其後就已delete。
Edan@MIRROR貼全黑story。(圖片來源:IG@edanlui)
mirror演唱會 另一成員AK亦有貼出全黑IG story。
AK@MIRROR貼出全黑IG story。(圖片來源:IG@_kisang)
MIRROR演唱會 MIRROR Candy全黑story。
Candy@COLLAR貼全黑story。(圖片來源:IG@candyw1219)

MIRROR紅館演唱會機關多多,Frankie(陳瑞輝)喺第二場演出時更不幸墮台受傷,嚇到一班鏡粉發起「關注MIRROR演唱會安全問題」聯署。演唱會去到第四場發生嚴重意外,在演唱《Elevator》期間,一個吊於高空的螢光幕突然倒冧,壓倒兩名舞蹈員。及後政府發出聲明要求腰斬餘下8場演唱會。

MIRROR
(圖片來源:網上圖片)

舞蹈員被擊中頭部

MIRROR 第4場紅館演唱會不幸發生意外,喺演唱《Elevator 》期間,其中一部吊於高空嘅螢光幕突然跌落台,據知熒光幕壓倒兩名舞蹈員,其中一位疑似被擊中頭部,暫時未知傷勢。

(更新12:02)伊利沙伯醫院發出聲明,表示共接收兩名男傷者,一人頸部受傷、情況嚴重;一人頭部受傷、情況穩定。

意外發生後,花姐同工作人員叫在場觀眾離開,今晚演唱會決定腰斬,稍後會處理今晚嘅演唱會門票安排。

MIRROR
(圖片來源:網上圖片)
MIRROR
(圖片來源:影片截圖)
MIRROR
(圖片來源:影片截圖)

花姐現場呼籲觀眾離場

事故發生之後,MIRROR經理人花姐到台上向所有觀眾呼籲,並不斷向台下觀眾鞠躬致歉:

我求吓你哋,好多謝你哋對MIRROR嘅支持,但我哋而家有需要處理嘅事,希望你哋有秩序離場,對唔住。今日大家嘅門票,我應承大家我會處理,我應承大家我哋會安全處理個騷,希望大家慢慢有秩序地離場。

MIRROR
(圖片來源:影片截圖)
MIRROR
(圖片來源:影片截圖)

MakerVille發聲明腰斬餘下8場演唱會

對於昨晚(7月28日)MIRROR.WEARE演唱會發生意外事故,造成兩名表演者受傷,大會致以最深切慰問並再次鄭重致歉,並會提供一切所需要的協助。我們正全面徹查事故原因,並會盡快作出公佈。此外,對於事故令觀眾或其他受影響人士造成不安,我們深感抱歉。另外,大國文化及MakerVille聯合公佈,將會取消餘下所有場次的演出及網上直播。有關退票的安排,我們會盡快公佈。至於持有7月28日演唱會門票的觀眾,亦可以憑票退款。詳情會稍後公佈。

MIRROR第4場演唱會發生嚴重事故後,政府發出聲明要求將餘下8場演唱會腰斬,直至舞台結構證實合乎安全規格。文化體育及旅遊局局長楊潤雄亦聯絡 康樂及文化事務署等相關部門 成立調查小組調查事件,會向意外傷者表示深切慰問,希望他們早日康復。

嚴 正 聲 明

【香港.2022年7月29日】對於昨晚(7月28日)發生的事故,令到兩名表現者受傷,我們感到非常難過。大會已主動聯絡公司內外所有有關單位進行徹底調查。調查方向包括事故發生原因及是否涉及人為疏忽。為能夠作出最全面的檢討,我們已安排與不同單位會面,包括公司內部和演唱會製作總承辦商藝能工程及其次承辦商,包括協興隆舞台工程及菱藝廣告製作等等。

對於兩名表演者受傷,我們再次致以深切慰問及抱歉,並會盡力為他們及其家屬提供適切的支援。

我們會於今日上午聯同政府相關部門,以及總承辦商及其次承辦商開會,以對今次事故起因作出徹查。若發現當中有可疑之處,或有任何人/單位涉及不當行為,我們會立刻報警處理。

大會主辦單位大國文化及MakerVille

被擊中的舞蹈員 據稱是SoChing@COLLAR男朋友

據消息指,其中一位意外受傷的舞蹈員是SoChing@COLLAR男朋友阿Mo,消息傳開後,大批網民湧入SoChing的IG留言送上慰問和祈求平安。據知SoChing於凌晨時間抵達醫院,神情哀傷。

MIRROR
(圖片來源:IG@soching_nat)
MIRROR
(圖片來源:IG@soching_nat)
MIRROR
(圖片來源:IG@soching_nat)

演唱會一直存在問題 製作單位曾改善

相關文章:MIRROR演唱會|第四場發生嚴重意外 製作公司協興隆、菱藝即被起底

1)Anson Lo 取消90度瞓落台危險動作

教主Anson Lo本身唱完《King Kong》,會喺煙火效果下向後90度直瞓落台,去到第三場經已睇唔到咁震撼嘅畫面。Anson Lo 第三場唱完《King Kong》就企定定等升降台降落返台底換衫。

MIRROR演唱會 mirror 教主就係咁90度瞓落台下,不過安全措施做得足,有驚無險!
Anson Lo喺MIRROR第一場紅館演唱會90度瞓落台,場面驚嚇,嚇到台下嘩聲四起!!(圖片來源:郭進榮攝)
MIRROR 第三晚再睇唔到教主Anson Lo向後90度直瞓落台。
第三晚再睇唔到教主Anson Lo向後90度直瞓落台。(圖片來源:官方提供)

2)Frankie轉平地自白

MIRROR「隱形人」Frankie 原本會喺升降台上面自白,自第二場發生摔落台事件後,第三場已改為喺平地進行,皮皮可以放心四圍行,唔使驚無啦啦整親。Frankie呢晚一出場就話:「皮皮噚日跌低咗,今日都起返身。」勉勵大家唔好怕遇上挫折,只要夠硬淨就一定捱得過。

MIRROR Frankie第三晚一出場就話:「皮皮噚日跌低咗,今日都起返身。」
Frankie第三晚一出場就話:「皮皮噚日跌低咗,今日都起返身。」(圖片來源:官方提供)
MIRROR演唱會 mirror Frankie的自白,場面感人。
Frankie的自白,場面感人。(圖片來源:郭進榮攝)
MIRROR演唱會 Frankie 掉到台下。
演唱會第二晚,Frankie突然由升降台掉下,全場觀眾嚇呆!。(圖片來源:網上截圖)
MIRROR演唱會
事後Frankie亦有即時在個人IG上分享自己的傷勢,左手有明顯擦傷,寫道:「令到大家擔心Sorry,講得太入神,只係擦傷咗啲啫,我福大命大!」(圖片來源:IG@frankie729)

3)《狂人日記》X《九》舞蹈員冇再反身跳台底

Frankie(陳瑞輝)、Jer(柳應廷)、Stanley(邱士縉)同Jeremy(李駿傑)合唱《狂人日記》《九》部分,本身表演設計咗一班舞蹈員會由升降台反身跳去台底。嚟到第三晚,咁危險嘅舞蹈表演都取消埋。

MIRROR Frankie陳瑞輝)、Jer柳應廷)、Stanley邱士縉)同Jeremy李駿傑)合唱《狂人日記》《九》部分,舞蹈員本身會由升降台反身跳去台底,嚟到第三晚經已取消。
Frankie(陳瑞輝)、Jer(柳應廷)、Stanley(邱士縉)同Jeremy(李駿傑)合唱《狂人日記》《九》部分,舞蹈員本身會由升降台反身跳去台底,嚟到第三晚經已取消。(圖片來源:官方提供)

4)高空天橋巡場仍然冇影

MIRROR十二子第一晚會企喺狹窄天橋上面巡場合唱,觀眾第一晚完場後就大力批評似企喺搖搖板表演,升降天橋對接位高低不平,狀態跟未完工一樣,完全冇考慮MIRROR成員安全。去到第二晚主辦順應民意收起天橋,第三晚高空天橋巡場環節仍然冇影。

MIRROR MIRROR十二子第一晚企喺狹窄天橋上面巡場合唱,被網民批評似搖搖板後,去到第二晚被取消,第三晚高空天橋仍然冇影。
MIRROR十二子第一晚企喺狹窄天橋上面巡場合唱,被網民批評似搖搖板後,去到第二晚被取消,第三晚高空天橋仍然冇影。(圖片來源:官方提供)
MIRROR演唱會的升降天橋對接位不齊,頭場結束後被鏡粉鬧爆。
MIRROR演唱會的升降天橋對接位不齊,頭場結束後被鏡粉鬧爆。(圖片來源:YouTube@ Viu1 HK)

5) 鏡粉自發收斂燈牌

唔少熱情鏡粉頭兩晚都帶埋超強燈牌入場,燈牌火力十足,勁到影響舞台效果,Do姐(鄭裕玲)都話啲燈牌太殘眼,令佢睇唔到姜濤solo嗰陣係有spotlight照住。鏡粉經勸喻要收斂燈牌後,去到第三晚,情況終於有改善。鏡粉大部分時間都只係舉團燈、手燈,當MIRROR成員Solo歌就放低燈牌,去到團歌先再拎起,演唱會舞台燈光效果終於睇得見。

MIRROR 鏡粉燈牌火力十足,勁到影響舞台效果。
鏡粉燈牌火力十足,勁到影響舞台效果。(圖片來源:官方提供)

MIRROR排舞師大讚官方有聽取意見

MIRROR排舞師Rock Sir喺第三場MIRROR演唱會完騷後,發文表示演唱會團隊有細心聆聽大家意見,並迅速作出相應改善,值得大讚,「睇到第三晚成個騷順利完成,知唔知我究竟有幾開心? 終於見到大家嘅努力冇白費,亦帶到俾觀眾一個精采嘅表演,謝謝幕後團隊聽到大家嘅意見,已經將好多有潛在危險嘅地方改善。」

MIRROR MIRROR吊威也出場方式有得留低。
MIRROR吊威也出場方式有得留低。(圖片來源:官方提供)

花姐坐鎮做監製

MIRROR經理人花姐(黃慧君)今日喺Instagram發文,透露佢噚晚親自上場做演唱會監製,喺控制台金睛火眼睇實全晚演出,「今日做番好耐冇做嘅野,幾乎驚到暈低,明天繼續努力。」網民知道花姐出手後,勁讚佢做得好,大家終於可以好好享受MIRROR騷。

MIRROR 花姐親自出馬做演唱會監製,大改各項危險表演環節,成場騷smooth晒。
花姐親自出馬做演唱會監製,大改各項危險表演環節,成場騷smooth晒。(圖片來源:IG@ahfa0908)
MIRROR 花姐:「今日做番好耐冇做嘅野,幾乎驚到暈低,明天繼續努力。」
花姐:「今日做番好耐冇做嘅野,幾乎驚到暈低,明天繼續努力。」(圖片來源:IG@ahfa0908)

MIRROR演唱會現場直擊|Anson Kong險遇機關意外跌落台+重溫首場11大亮點

鏡粉萬人聯署要求停用機關

有鏡粉發聯署,名為「關注MIRROR演唱會安全問題」,目前已累積1.1萬人簽名,當中寫道:

全港鏡粉對MIRROR首個紅館演唱會期待已久,但開始前一天卻驚聞有舞蹈員受傷入院,揭發不但排練時間不足,各機關的安全性亦成疑,演出人員之安全並未得到保障。直至昨天正式演出,整個過程險象環生,今天第二場Frankie更叉錯腳跌下舞台,情況令人擔心!」然後促請主辦方停用未必要機關:「現希望主辦方正視問題,保障所有表演者(包括MIRROR 12子及所有舞蹈員)等之安全,在未能提供適當安全措施前,請考慮暫停使用非必要之機關或升降台。相信入場鏡粉寧願眾人在平地演出,亦不想有人因此受傷!希望各關注此問題的鏡粉一同聯署,促請主辦盡快回應。

MIRROR演唱會 有鏡粉發起聯署要求停用非必要舞台機關。
有鏡粉發起聯署要求停用非必要舞台機關。(圖片來源:網頁截圖)

郭富城稱兩日踩台時間太短

被稱為「舞台王者」的郭富城出席活動時接受傳媒訪問,聞得MIRROR演唱會意外頻生,Frankie更一度踏空失足掉下台,他亦不忘分享自己的經驗,直指只得兩日踩台板時間的確太短,自己一般都會有三、四日。另一方面,他指出場務同事有責任提醒演出者的角舞台地勢以及危險位置,以避免意外發生。從此之外,他認為演出者應該專注在表演部分,所有事情應該由內部去檢討,解決問題後再向表演者表達,若然要歌手自己解決「係唔合理」。

MIRROR演唱會 mirror
(圖片來源:新傳媒資料庫)

重溫頭場表演情況:

即重搵首場最危險一幕。

Ben Sir唱反調稱停止轉發意外片段為淡化行為?

Ben Sir日前在社交網站上以中文角度「回應」演藝人協會主席古天樂的呼籲……詳見:Ben Sir唱反調稱是淡化行為

謝安琪方皓玟開騷都受MIRROR演唱會影響?

近日有消息指兩人受MIRROR演唱會上發生的慘劇影響,被保險公司拒保,此外近月還有不少歌手即將舉行演唱會或會受影響……詳見:仲有邊個演唱會被影響

撰文:東方新地圖片來源:Facebook@louiskoo、IG@soching_nat、[email protected]、IG@yungchoyee、IG@kellychenwailam、IG@tysonyoshi、IG@kaytse、IG@louischeung2013、IG@hinscheung、IG@black_gorgor、IG@agaseen、IG@mreasonchan、Facebook@charmainesss、IG@pumpkinjojoinstagram、IG@chufune、IG@kaikaiko、IG@shoumethemoneyxx、IG@fatboyip、IG@deegor_hkwa、IG@saiter、IG@beeplok、IG@edanlui、IG@_kisang、IG@candyw1219、新傳媒資料庫資料或影片來源:YouTube@Viu1