Nonkul

《出貓特攻隊》男神Nonkul被私有化? 《3日2夜》索女為港女爭光

最新娛聞

廣告

去年泰國電影《出貓特攻隊》紅遍亞洲,連帶幾位泰國年輕演員人氣急升,其中飾演男主角「賓爺」的Chanon Santinatornkul(Nonkul)更榮升新一代男神!不過近日有報道指呢位靚仔男星竟然已經被一位香港女仔私有化,佢就係16年選港姐出身、有份拍《3日2夜》的蘇可欣(Eunice)!

撰文:東方新地|圖片:電影劇照、Instagram

《出貓特攻隊》男神Nonkul

去年泰國電影《出貓特攻隊》紅爆亞洲,片中幾位泰國年輕演員都人氣急升,其中飾演男主角「賓爺」的Chanon Santinatornkul(Nonkul) 更被亞洲各地妹豬視為新一代男神! 現年22歲的Nonkul片中為一個勤奮的天才級資優生,記憶力驚人,亦給人正直帥氣的感覺 ~

可愛陽光男孩

Nonkul成名後得到唔少外號,有人稱佢為「泰版朴寶劍」,同時有人覺得佢似台灣男星趙又廷,總之都是係有型啦!外貌打扮都成個韓仔似的Nonkul,有著可愛燦爛的陽光笑容,難怪吸引到大批女粉絲!

Nonkul如其外表一樣係個陽光男孩,熱愛做運動,據知佢一星期有6日都會去健身,擁有令人羨慕的六舊腹肌!Nonkul更曾被相中參與演出同志電影《愛情來了Love’s Coming》,所以唔只女仔鍾意佢,更加係泰國當地同志男神!

蘇可欣傳與Nonkul撻著

好啦言歸正傳,日前有報道Nonkul竟然已被一位香港女仔私有代,究竟係邊個替港女爭光呢?原來係選港姐出身的蘇可欣(Eunice)!25歲的蘇可欣16年參選港姐入行,後來加入加入無綫娛樂新聞台做主持,去年在J2娛樂節目《STARTALK》中訪問《出貓特攻隊》三位主角,就係咁樣與Nonkul結緣!

一個月飛三次泰國

蘇可欣與Nonkul分隔兩地,據知兩人密密來往港泰兩地爭取時間見面,蘇可欣仲試過一個月飛三次泰國!又會同公司自薦飛泰國做節目。而有親戚住在香港的Nonkul,亦都不時以shopping為名來港,其實係為見伊人多幾面?

以前做空姐

近日蘇可欣接受傳媒訪問,佢表示社交網站的相片都係佢自己去旅行時影,至於一個月飛三次,係因為自己難得有大假,所以先一口氣去三次旅行。另外佢以前原來做過空姐,故一向都鍾意四圍飛。

姊弟戀冇問題

咁同Nonkul係咪有發展空間呢?蘇可欣表示自己單身了幾年,亦都好欣賞對方,但現階段未會想太多。雖然自己比Nonkul年紀大3年,不過蘇可欣覺得姊弟戀並唔係問題,最緊要係思想夠成熟,佢認為Nonkul平時做訪問都講唔少自己未來的目標、對自己前路好清晰。

拍《3日2夜》上位在望?

現年25歲的蘇可欣,中學畢業後曾做過空姐,後來參選2016年港姐競選,不過二十強止步。之後蘇可欣加入無綫娛樂新聞台擔任主持,更有機會與阮兒拍攝大台熱爆節目《3日2夜》,不時騷身材勁吸睛!今次與泰國男神傳緋聞,會唔會對蘇可欣喺大台發展有幫助呢?

孖阮兒去釜山

早前蘇可欣有份拍攝《3日2夜》,孖住阮兒去到韓國釜山取景!

 

做得《3日2夜》主持,蘇可欣樣貌身材當然有保證啦!

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

關鍵詞
3日2夜