TVB小花

公開TVB小花IG粉絲排行榜top 8 位位近年極速冒起!

最新娛聞

廣告

近年,TVB走咗唔少花旦,同時亦造就新晉小花迅速冒起,相信大家不時亦會喺電視上見到佢哋!然而,原來呢班小花唔經唔覺都已經儲咗唔少粉絲,更喺IG擁有一定followers,依家就同大家揭開呢班TVB小花IG粉絲排行榜top 8啦!

撰文:東方新地|圖片:Instagram

公開TVB小花IG粉絲排行榜top 8

Top 8 蘇韻姿102K

25歲嘅蘇韻姿喺加拿大長大,曾於當地擔任電視節目主持及客串加拿大電視劇。2016年因參加香港小姐而入行,雖然當時只獲殿軍,但其後加入TVB嘅演藝進修班,更決定留港發展事業。

完成訓練課程後,蘇韻姿喺TVB處境劇《愛‧回家之開心速遞》中飾演熊心如(紅衫魚)一角而為人熟悉,成功入屋。

笑容親切,更與劇組演員打成一團,而私底下嘅佢亦熱愛攝影,不時趁得閒拎住部相機四圍影,唔知大家有冇喺街撞過佢呢?

Top 7蔡思貝 235k

蔡思貝係2013年香港小姐亞軍,當時選完3個月後親被監製賞識,於是有份演出TVB劇集《八卦神探》,更順利同TVB簽約成為TVB藝員。

不過,大家對蔡恩貝最有印象應該都係佢同同網絡紅人「達哥」撞樣,事關前者更因此獲得「蔡思達」嘅稱號。雖然以往蔡思貝提起此事都會黑面,不過最近佢好似睇開咗嚕~

同時,亦有人見到蔡思貝就會即時諗起日本男星木村拓哉!

最近,蔡思貝就因《大帥哥》中飾演章沅婉而人氣急升,雖然唔知大家鐘唔鐘意睇佢拍嘅劇,但可以幾肯定佢嚟緊應該都有唔少拍劇機會,嚟緊播出嘅《鐵探》亦會有佢份參演!

Top 6江嘉敏 291k

24歲嘅江嘉敏(Kaman)模特兒出身,曾經參與唔少廣告及MV拍攝,加入TVB後,就因劇集《親親我好媽》而獲得觀眾關注,其後更一劇接一劇,工作不斷。

雖然Kaman入行兩年火速上位,但同時亦緋聞不斷,有「姣花」之稱。不過,早排Kaman就認戀30歲的電競公司高層Anthony,更曾公開放閃,似乎唔驚影響人氣!

笑容甜美嘅Kaman不時亦喺IG甫出靚相,keep住人氣,相當識做!另一方面,最近熱播嘅《福爾摩師奶》都有唔少戲份,大家又有冇留意Kaman嘅演技有冇進步呢?

Top 5馮盈盈 294k

2016年港姐冠軍及2017年國際中華小姐季軍嘅馮盈盈入行至今,憑不時喺電視前語出驚人、個性率直而成功引起大眾關注!

敢於發言嘅馮盈盈近年更有份主持節目《後生仔傾下計》及《學是學非》,同時亦開始參與演出劇集,早前就喺劇集《果欄中的江湖大嫂》飾演油吧老闆娘「小娘女」而令觀眾刮目相看!

上年喺萬千星輝頒獎典禮獲得「飛躍進步女藝員」嘅盈盈,最近就為新劇剪咗個新髮型,未知今次新劇又會唔會帶俾佢喺事業上另一突破呢?

Top 4麥明詩 316k

27歲嘅麥明詩(Louisa)於2015年奪香港小姐冠軍,更被稱為「10A港姐」最為人所熟識!而且,Louisa更係劍橋大學法律系高材生,名副其實係近年美貌與智慧並重嘅港姐冠軍!

相比起馮盈盈,Louisa拍劇嘅機會就比較少,反而有份主持及做司儀嘅機會則較多。

早前,Louisa為慈善籌款而踩單車由香港去柬埔寨,更喺途中不幸炒車,令盆骨左側及下背軟組織受創,肌肉拉傷,睇嚟充滿善心嘅Louisa下次都要小心啲!

Top 3湯洛雯 427k

TVB小花粉絲排行榜嘅第三位就係曾參選2012年香港小姐嘅湯洛雯(靚湯)!雖然當年六強止步,但翌年憑TVB處境處《愛·回家》中飾演「李思思」一角而成功入屋,更與同劇男演員羅天宇擦出愛火!

雖然靚湯同羅天宇嘅戀情未能開花結果,但唔少網民都祝福女神早日搵到白馬王子!另一方面,靚湯近年亦被TVB睇好,所以相信今年內好快會睇到靚湯有份出演嘅劇集出街!

講到靚湯就真係人如其名,喺IG每張相都晒出無敵甜美笑容,就算扮cool影相都非常chok,總之就點影都咁靚,難怪獲得一眾粉絲熱捧!

Top2劉佩玥 565k

2013年香港小姐季軍嘅劉佩玥(Moon)IG嘅followers人數衝破56萬人,成為TVB小花之中最多人follow嘅第三位!

入行近6年多,拍過唔少TVB劇集,包括《降魔的》、《城寨英雄》,《跳躍生命線》等,每個角色都觀眾留下深刻印象,雖曾入圍萬千星輝最受歡迎電視女角色候選名單,但就未成功拎到獎項。

呀Moon嘅IG就不時晒出自己甜美相,亦會分享生活日常,所以獲唔少網民like之餘,當然唔少得要follow啦!

Top 1陳瀅 580k

至於第一位就係模特兒出身嘅陳瀅!2014年憑TVB劇集《女人俱樂部》飾演1980年代高傲校花「容丹丹」一角而開始為人認知!

短短5年間,陳瀅就被TVB睇中而力捧,期間拍攝多達十幾套電視劇,可見其產量之多!最近陳瀅亦有份演出《福爾摩師奶》,唔知大家覺得佢演成點呢?

平日陳瀅亦經常喺IG同大家分享生活點滴,見到佢平時一得閒都熱愛做唔同類型嘅運動,又滑水、又滑雪,呢位女神真係嗜好一籮籮,唔怪得身型咁弗啦!

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!