網民踢爆街訪搵演員扮新移民 ViuTV遭狂插節目造假！
原文：新假期｜圖片：ViuTV《買樓狂想#曲》｜編輯：東方新地
ViuTV《買樓狂想#曲》水泉澳邨街訪
ViuTV節目《買樓狂想#曲》最新一集中，三位年輕主持阿Bu、Gene和肥利去到沙田新公屋水泉澳邨做街訪，結果接觸到的居民大多都非土生土長的香港人，可見新公屋裏新移民確實為數不少？
受訪者全是新移民
上「新移民」太太屋企參觀
去到片段後半，三位主持訪問一位操半鹹淡廣東話的太太，太太更願意讓三人去到其家中參觀！不過呢位太太的反應及口音都不太自然……
網民踢爆演員扮新移民
不過在片段播出後，有眼利網民發現該位帶主持上門參觀的太太，竟然係舞台劇演員黃劍冰！據資料顯示黃劍冰擁有不俗學歷，同時擁有超過25年的舞台經驗，曾擔任監製、導演、編劇、演員及戲劇評審等職位。ViuTV的造假行為隨即被網民鬧爆……
網民留言：
原片：
【真係問親都係新移民🤔🤔🤔】正所謂得公屋得天下，而家上唔到私樓又抽唔到居屋，唯有等等等等運到等上公屋！公屋愈嚟愈難上，因為香港真係愈嚟愈多人啊😭😭😭#其實單位好細 #但都已經覺得好好 ＃買樓狂想 #曲 #公屋都要狂想 #人生好難 經絡按揭轉介 mReferral Mortgage Brokerage Services 陳君浩 阿Bu 火火**此集部分內容是根據水泉澳邨一單位居民提供的背景及故事製作訪問片段，但由於當事人未能出鏡，我們取得住戶的同意及共識下，找來演員演繹。ViuTV對於此事引起觀眾的誤會及不快致歉，將積極檢討節目製作的處理手法，致力提升節目質素。
Posted by ViuTV on Friday, 25 January 2019
延伸閱讀：
居日公屋中國大媽狂數日本缺點
主持盤菜瑩子帶大家到有40年歷史嘅日本川口市「芝園團地」，發現有一半都係中國人，隨處聽到普通話之餘又見到簡體中文告示。
盤菜瑩子訪問一位居日內地人：「呢到環境都唔錯啊！」受訪者就話：「食唔好啊！朋友又唔多，啲嘢食點同中國比啊？中國食乜有乜，有活雞、活魚，喺呢到餓又餓唔死，飽又飽唔死。」睇落呢位居日內地人唔係好滿意日本生活。
受訪者又繼續話：「返到中國，至少我有中國國籍啊！畢竟自己係中國人，有中國嘅心！」網民睇到呢到都紛紛表示：「講到咁好，點解你又唔返中國呢？」
而芝園橋樑策劃組主席，圓山王國就話有部分定居嘅中國人無做到入鄉隨俗，對日本文化同生活習慣既唔熟悉又唔適應。有住客講嘢大聲而被日本人提醒，最後竟然用暴力「解決」。
主席又話，發現公屋範圍嘅設施被寫上對內地人嘅壞話，例如「僅限日本人使用」、「中國人，滾回去」及「髒死了」等字句。睇嚟日本居民對於內地留日居民嘅處事待人去到爆煲位置。
盤菜瑩子喺片段最後提到一點：「中國人有句說話叫入鄉隨俗，你住喺人哋國家，應該知道要將垃圾分類，有啲地方唔可以隨便坐或者踎，佢哋聽唔明人哋鬧咩，呢個係最大嘅問題。」
將來還有什麼演唱會值得留意？
有不少歌手宣布舉辦演唱會，小編為你整合了2023香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
