同上司Whatsapp講咗呢幾句即出事 絲打：無理由炒我！

原文：環球膠報

同上司Whatsapp講咗呢幾句即出事

事情是咁的，有位絲打喺連登出Post「請左幾日假公司 d whatsapp group 踢曬我出去」。

絲打原文：

因爲屋企人有事入左醫院 & 撞正身體唔舒服請左幾日假。個經理覆都唔覆就踢曬我出whatsapp group。
岩岩過試用期做緊第四個月但係一份合約都無簽過。即係代表咩？公司即炒我？咁我9月份做個半個月咪蝕左比公司？
問題係我一路同個經理請假佢一句都無應我，照道理無理由當我曠工炒我。有無師兄師姐可以話我知發生咩事？

睇埋張Whatsapp圖！

哇！你又唔講清楚，又用Whatspp請假，仲要日日都唔返！唔炒你，炒邊個？啲巴打絲打又有咩高見呢？

真係真心膠。

絲打，下次醒目啲啦！

延伸閱讀：

90後新人辭職派散水餅 全場同事講不出聲……

故事是咁的，話說last day嗰日，同事諗住約呢位同事飲茶，估佢醒水話會請客啦，點知佢竟然話唔飲，因為佢想多啲時間買禮物比多啲同事！咁大家都覺得佢幾識做，覺得呢個新仔唔識做事唔緊要，有心去買份禮，留低的都係一份心意，而唔係負擔！

點知lunch time完，佢話多謝大家呢三個月的照顧，於是伸隻手入個袋拎咗三盒家庭裝樂天熊仔餅，同事每人可以分到三包…… 全場同事都牽強笑著不說話，成個場安靜到得番時鐘轉動的聲音。

派「散水餅」時，呀同事仲要話多謝大家照顧，但喺IG story就見到佢係咁插啲同事，話終於離開地獄，唔使再對住啲老屎忽同事。其實呢個世界好細，江湖再見啦。

同場加映：史上最強散水餅 網民：一定好過食Cake啦！

史上最強散水餅登場

事情是咁的，有位絲打唔知係佢辭職定公司有人辭職，抱住「你好我好」、日後好相見嘅心，所以就買咗一堆「史上最強散水餅」！究竟有啲咩？

絲打話有：

天仁茶葉蛋
老麥脆香雞翼
譚仔土匪雞翼

絲打就話：「仲要諗30幾蚊一件又甜又漏既cupcake？」蛋糕唔係個個想食，但雞翼真係人人食得開心！