高招阿姐疑派傳單屈人錢　仲爆seed：係你話要買嘅！

原文：娛聞樂｜圖片：Facebook

高招阿姐疑派傳單屈人錢

有網友早前喺Facebook群組開post提醒大家，佢喺元朗遇到一個癡線嘅傳銷員，一般傳銷員都係跟住你，嘗試說服你買佢哋嘅產品之類啦，但今次呢個唔簡單。

呢位進擊嘅傳銷員嘅做法，係派張美容院嘅傳單之餘，再喺單張下嚟一招「傳單底攝一張單」。

樓主嘅女朋友好心接咗，點知就大鑊，被對方要求埋單俾錢，老屈樓主女朋友：「係你話買嘅！」最後仲誇張到跟埋去銀行門口。樓主話自己冇留意張單嘅金額同內容，雖然冇金錢損失，但女朋友受驚：

「跟到去銀行門口叫人俾錢佢，仲話係佢（樓主女友）話要買，仲影返我相。」

唔少網民紛紛留言，叫事主唔好理派傳單阿姐：

好多網友都批評咁樣老屈嘅行為好誇張好過份。最後有關美容院都喺Facebook專頁道歉，並聲稱推銷員基本上唔會涉及任何錢銀交易，所有交易都會在舖內進行。