動物標本做飾物 斑鳩貓骨綠鬣蜥通通都有？！
廣告
如果你一直疼愛的寵物去世，唔知做主人的大家會如何處理心愛寵物的遺骸？最近，就喺網上竟然可以搵到一間台灣網店專門出售一種用動物遺體或骸骨所造成的飾品，同時亦有出售動物標本，甚或替客人將骨頭代客漂白等服務，呢間商店可謂十分之另類… 唔知大家覺得啲產品如何呢？
撰文：東方新地｜圖片：【清晨兩點】標本製作研造室
動物骸骨製成飾品
作為主人的大家可能曾經都會有諗過，若然一天寵物去世的話，該如何處理心愛寵物的遺體。而家可能大家會多咗一個選擇，就係將寵物的遺體製成飾品，例如可以製成耳環、手鏈、頸鏈等，讓自己的寵物即使已經離開世上，但仍依舊陪伴於自己身邊…
動物標本作飾物
其實呢間鋪頭既服務都幾多元化，店鋪曾經為動物試做義眼之外，亦有將骨頭代客漂白、寵物標本代製的服務等。用動物骸骨製作的飾物或飾品多到數唔哂，較大路的產品有犬指骨十字架項鍊、蝶翅膀玻璃項鍊、貓脊椎骨項鍊等…
雖然呢種將動物骨頭帶上身上的方式並唔係所有人都可以接受，但呢間商鋪亦有唔少捧場客，似乎該店的客人都十分喜歡呢類型飾物！
但同時亦有些較為偏門的產品，就例如有斑鳩腳爪耳環、蛇骨項鍊、綠鬣蜥手耳環等，唔好話將呢啲款式的物品帶上身，就連望到都真係未必個個人都接受得到。
讓小動物重生一次？
事實上店鋪其中另一個理念是讓這些小動物們可以再活一次，脫胎換骨，籍此可重生一次，想法特別，唔知大家又有咩諗法呢？
