送外賣遇到真靈體？呢條邨原來好多人自殺…
廣告
星爺話齋：「我真係外賣仔嚟㗎咋！」送個外賣又點預計會有咁多事發生？近日有外賣仔喺Facebook群組上傳咗一張外賣紙，竟然備註上列明送餐地址可能有鬼⋯⋯
原文：環球膠報｜圖片：Facebook、新傳媒
送外賣遇到真靈體？
外賣紙上見到個客人地址就寫藍田平田邨平旺樓，但最恐怖係個備註，寫到明「地址有靈體」、外賣員如無必要勿看防煙門和後樓梯，更指明必須念經及帶護身符！事件傳出後，不少網民表示「好驚好恐怖」、「見到咁送唔送好」、「人地打工架咋，嚇親人你安樂咩」。
之後有網民就話平旺樓上年曾發生命案，一名56歲男子疑因感情問題在單位內燒炭自殺亡，因該名顧客迷信，才會要求外賣員佩帶護身符。香港凶宅一覧，真係有平田邨份！
信不信由你！
同場加映：
要求外賣員同佢慶36歲牛一 網友笑：生日食M記，真幸福
香港真係搵食艱難，依家連送外賣都要求全面服務，令顧客賓至如歸。點解咁講？因為有網友分享外賣趣事，就係除咗要外賣薯條、漢堡包之外，仲要送埋溫暖俾人，真係令人感動啊！
是咁的，有懷疑係麥麥送嘅網友分享咗自己返工嘅趣事，佢就收到張外賣單係叫麥當奴之外，仲係送單備註到請外賣員同攞外賣個大隻佬講生日快樂。佢自己都話自己見到個陣0咗。
張單係咁寫嘅：
「有人 7 月 8 號生日，麻煩禁鐘時同個大隻佬講聲『陳X軒 36 歲生日快樂』」
網友們除咗覺得搵食艱難之外，就唔知點解錯focus咗係個壽星公到，話佢先係最慘個個：
「慘豬豬 36 歲生日飯只可食老麥」
「毒男 36 歲生日要食 M 記？」
「生日食 M 記，真幸福」
「連自己幾多歲都同人講，可能寂寞空虛冷」
「毒L生日都要一個食 M 記，仲要俾人知道係毒L」
