小食店

網民鬧爆沙律腿治「裝假狗」小食店店主原來有苦衷…

熱話

廣告

所謂「一日之計在於晨」,返工前食個豐富早餐先有力氣做嘢㗎嘛,不過如果買完個早餐,一打開發現個早餐偷工減料,咁就真係唔係咩心情都冇晒!近日有網民幫襯葵興一間工廈小食店,買咗份沙律火腿三文治,點知一食就…

原文:環球膠報|圖片:新傳媒、網上圖片

網民鬧爆沙律腿治「裝假狗」

有網民幫襯葵興一間工廈小食店,買咗份沙律火腿三文治,點知食咗啖發覺唔對路!樓主嬲爆將張相放上Facebook群組,留言話:「今早在公司樓下買了份沙律腿治,咬一啖已覺得唔對,打開一睇,藝術的表現,葵興_ _大廈條巷仔,大家去開記得去睇藝術品。」

「藝術三文治」介紹番

原來樓主將沙律火腿三文治打開,三文治入面塊火腿只有一小截,仲要切成一小條,而沙律醬只係塗咗麵包嘅三分之一。樓主稱呢間店為「良心舖」,仲話啲三文治係「藝術三文治」,見大家去睇「藝術品」!

唔少網民都鬧爆食店:「好過份」、「離晒譜」,有網友食花生話:「好夠食」、「火腿冇益嘛,食少啲健康啲」、「咁好心機切條,呢啲直頭良心企業喇」。

小食店店主原來有苦衷…

據知小食店店主話做係有原因的!佢哋話咁做係想降低成本:「有食客反映話想平啲,寧願唔要咁多餡,我哋壓低成本,做到20蚊兩份,朝早食完晏晝再食,平返少少畀街坊!」其實店主係為客人著想,細心聆聽客人意見後作出改善!

延伸閱讀:

吉野家下午茶事件

香港地搵食艱難,百物騰貴,唔少打工仔都會揀下午茶時段食飯,貪佢平啲嘛!不過正所謂一分錢一分貨,份量少就預咗㗎啦。曾經有網友喺連鎖店吉野家食下午茶,叫咗個雞扒烏冬,不過佢就嫌份量得勁少,大家又覺得合唔合理呢?

樓主喺討論區開post,稱自己喺吉野家叫咗個30蚊的雞扒烏冬下午茶,見到個烏冬賣相都ok啦,有麻醬烏冬有粟米有紫菜,不過主菜得三細舊雞,好似少咗啲?佢就嬲爆留言話「我隻貓都唔夠肉啦」、「斬唔斬得落手,得3舊」。

樓主仲好有心咁計埋究竟呢個餐可以賺幾多,「鳥冬成本1-2蚊,蛋1-2蚊,可樂0.1蚊,3舊雞2蚊」,仲話「賺到盡,整臭自己公司」。有網友話「10蚊一舊(雞)」好貴,仲有眼利的網友留意到啲雞好似…唔係太熟!

不過都有唔少人認為樓主小題大做,「嫌三嫌四咪去茶記囉,下午茶加埋凍飲都40啦」。