蓋被

想暖笠笠 必跟冬天正確蓋被方法

熱話

廣告

香港早排仲係十幾度,但最近幾日突然凍咗唔少,天文台預測未來幾日最低得8度!除咗高高興興打邊爐,大家都要做足保暖準備!講到保暖,不得不同大家分享正確蓋被方法,學識咗之後,保暖度感覺簡直提升200%!

撰文:Heidi Lau
相片:新傳媒資料庫、影片截圖

唔知大家有冇同感?一到冬天,入被兜第一下最凍,如果天氣凍,個被兜好似瞓極都唔暖咁,咁你一定要試下日本睡眠專家提供嘅呢個方法。怕凍嘅人都都會冚兩張被瞓,覺得咁樣會暖啲,呢個諗法其實係啱嘅,但如果冚錯咗係保唔暖架!

日本睡眠專家表示,一般人先蓋毯子,上面再蓋一層羽絨被的方式其實是錯的,這樣完全無法鎖住溫度。

這樣的順序是錯的
你→薄毯→羽絨被

專家話知唔知冚羽絨被嘅作用係咩?咪就係想好似動物咁用一層羽毛阻隔身體,防止熱量流失!所以應該直接將羽絨被冚喺身上,作為熱能的隔絕層。咁薄毯呢?再冚喺上面?專家認為,只要羽絨被有一定品質,就可以有效保留體溫,不一定要冚喺身;多嘅一層薄被其實可以墊在身體下面,減少背部熱能散失。

正確的冚被方法
薄毯→你→羽絨被

如果你好怕凍,就一定要用呢個方法冚被,小編自己親身試過,真係暖好多,保暖度感覺簡直提升200%!後遺症係朝朝早都好難起到身,人醒咗都唔想爬出被兜!

下一頁:《2018國際中華小姐競選》佳麗一覽

關鍵詞
保暖冬天