放題

8個食放題最癲事件簿 最後嗰個真係好癡線…

熱話

廣告

唔少香港人都鍾意食放題,貪佢可以一個價錢任食,一次過食到多款唔同食物,一次過滿足多個願望!曾經有網民開post,以「最癲見過人點食放題」為題請大家分享經歷,以下呢「8大最黐線食放題事件簿」,你有冇遇過?又或者你有冇做過…

原文:娛聞樂|圖片:新傳媒、網上圖片

8個食放題最癲事件簿

1|中場換人

有網民話見到有人食放題時,竟然可以好似踢波打籃球咁,食食吓換人!?有個人上半場食飽走咗,下半場就見到第二個人入咗去繼續食。嘩,真係明副其實二人同行,一人價錢,好L抵!

後備入替,接力繼續食!

2|𡁻完鬆

有網民見過兩個MK仔食放題,奇怪地食得好急,食完就行後樓梯走咗。之後個經理知道咗就好嬲,仲不斷鬧啲下屬。

3|另一半食到黑面

網友話見過有對情侶去食放題,點知條仔掛住打機,女朋友即刻黑面。條仔又叫埋啲火鍋個啲,而女朋友就繼續黑面,搞到最後無點食過嘢就走,成程半個鐘都無。小編就覺得,嬲還嬲,唔好同個肚過唔去,食飽先慢慢嬲呀嘛!

4|嗌飯食食到飽

有網友話上次同朋友食放題,朋友第一時間剔左個揚州炒飯,食完就飽。其實要食碟頭飯落茶記食啦,平好多喎!

5|刺身L出沒注意

有網友兩個人去食放題,每人嗌咗各100刺身,其他嘢都叫咗幾round。其實小編同唔少香港人一樣都好鍾意食刺身,不過100片刺身真係食得晒咩?雖然話填咗100片都唔會真係出100片刺身俾你。

6|有理冇理嗌咗先

有網友見到人吔個枱叫咗20窩清酒煮蜆,嚇到個經理行埋嚟問係咪落錯,佢哋話冇填錯,結果半個鐘唔使就食晒。

擦得當然冇問題啦,但相信唔少人都見過無品食客刻意浪費的情況,有網民就話曾經見過隔離枱叫了一整盤約20件壽司,但食都冇食過就埋單走人。

7|異類「細食客」

唔少網民都分享見過的「大食客」,但其實「細食客」喺放題世界同樣係異類,有網民就話見過其他食客只係食少少,食量同付出價錢完全唔成正比,例如「淨係叫左1碟牛肉1碟菜,然後全程坐起度飲野吹水」,「我朋友自己一個食放題 淨係叫一球雪榚」。

8|嘔完再食過

呢單真係好黐線,有網友話有次一大班friend去食放題,坐隔離個friend食完一輪就去廁所,去完之後又繼續係咁食,如是者去咗幾輪廁所,搞到網友忍唔住問個friend:「無野嘛你去左幾次廁所痾仲食得咁癲?」點知個friend話:「黐線邊個話你知我肚痾?」。原來個friend係走咗廁所嘔,嘔完再出返嚟食。大佬呀你唔好咁黐線啦!