老婆WhatsApp被盜叫買點數卡 老公一句KO:我喺你隔離喎
廣告
大家有無收過朋友send message嚟叫你買點數卡呢？通訊軟件帳戶被盜情況之前非常猖獗，身邊唔少人都中過招，有網民要花十幾個鐘先可以取回帳戶。所以而家一見到「幫我到 7 仔買 My card ok?」呢類字句，大家都會提高警覺。
Photo：小心駕駛(討論別人駕駛態度)
早前有網民在社交群組發帖分享老婆Whatsapp帳戶被盜的情況：「請問Whatsapp 比人入侵應該點攪？太太用 Samsung Android 機。」並附上一張對話截圖，看見頂端出現了「安全編碼已更改」的提示，樓主早已有所警剔，其後「老婆」留言：「忙緊嗎 可唔可以幫我個忙啊」，「幫我到7仔買My card ok?」，睇到呢度樓主已經知道又係點數卡詐騙，不過最抵死嘅係樓主老婆正正就在樓主身邊，於是樓主以一句說話KO:「你喺我隔離喎」，完美擊退「點數黨」！
有關帖子引來一眾網民熱烈討論，紛紛笑指樓主應該有外遇：「你死啦，你到底幾多個老婆」、「你肯定係身邊個位老婆要mycard？」、「太多老婆嘅煩惱」、「問埋其他老婆先啦」。由於正值假期，最後樓主花了超過十小時才幫「老婆」取回帳戶。
