蕭源

補習天王蕭源被廉署起訴 33歲老婆蔡怡走可愛風?

熱話

廣告

近十幾年大型補習社喺香港愈做愈大,個個老師都話自己係補習天王,一舉一動都直頭係明星咁!日前,著名中文科補習天王蕭源,與其妻子蔡怡及兩名考評局前口試主考員,遭廉政公署案落起訴「不誠實意圖而取用電腦罪名」等三項罪名,四人將於本周三(6月6日)應訊。

撰文:東方新地|圖片:Facebook、Instagram

補習天王蕭源被廉署起訴

現年42歲的現代教育中文科補習天王蕭源(本名蕭志勇)、佢同為補習老師的老婆蔡怡(本名蔡盈盈)、以及兩名考評局前口試主考員張國權及吳宏樑,昨日(6月4日)被ICAC起訴「不誠實意圖而取用電腦罪名」等三項罪名,本周三(6月6日) 於西九龍裁判法院提堂。

涉以手機收中文科試題

案情指,蔡怡及張國權涉嫌透過智能電話,分別將2016年及2017年文憑試中文科考試保密的試題傳送予蕭源;而吳宏樑則涉嫌透過智能電話,向蕭源傳送2017年文憑試中文科考試簡介會的保密資料。

據知兩名被起訴的考評局前口試主考員張國權及吳宏樑,原來係蕭源就讀樹仁學院(現樹仁大學)時的同學,難怪…

憑「檸檬茶」一夜成名

蕭源之所以會爆紅成為補習天王,就要數返2007年中文科卷二(寫作能力),當年其中一試題為「檸檬茶」,同當年蕭源一篇範文「凍檸茶」極為相似,令佢名聲大噪,廣受傳媒及學生關注。

之後在2009年,蕭源曾在網上貼題「樓梯與……」以及「潮流vs個人風格」,竟然同當年中文作文其中兩道題目「樓梯與升降機」、「與其追求潮流,不如展現個人風格,談談你的看法」幾乎一樣!唔通佢貼題真係咁厲害?

蕭源及蔡怡所屬的現代教育,表示因為案件已進入司法程序而未能回應,但強調:

現代教育對違法行為不姑息、不接受、不容忍。

蕭源自己咁回應:

「我哋一定會對學生負責任,稍後有進一步消息會再作公布,但一定不會不了了之。」

老婆蔡怡走可愛風?

蕭源老婆蔡怡亦都係中文組成員之一,資料所知佢今年33歲,但見佢剪一個少女齊蔭頭,衣著打扮都似乎崇尚可愛風格…

學生哥愛靚女Miss

其實啲補習老師包裝到好似明星咁,都唔係咩新鮮事,好似蕭源喺「現代教育」的一位同事、任教英文科的Antonia Cheng,教學質素如何小編就唔清楚啦,不過據知有唔少學生哥都覺得佢好靚女,而Antonia本人都經常喺社交網分享靚相,又騷吓長腿咁,難怪咁受學生哥歡迎!