六合彩40周年金多寶彩池將高達7,500萬，屬史上金額最高嘅金多寶攪珠，加上投注額，估計頭獎獨中將獲一億元！是次金多寶將於三月一日當晚9時15分截止投注，9時半攪珠，今次真係發達不是夢！不過，到底有咩方法可以贏得呢1億彩金呢？參考麥玲玲師傅嘅五大貼士，有機會一擊即中！

1.吉時投注

明天24日上午九至十一時，及26日(周六)上午十一時至下午三時，均係投注吉時。而攪珠當日(3月1日)，建議到南區投注站如紅磡、淺水灣等，宜於早上九至十一時及下午一至三時投注。另外，若投注站門口位於斜坡、天橋底，或正在掘路，派錢機會更高！此外，3月1日若於西南方落床，再向當日財神位南行，自然鴻運當頭！

2.九號窗買最掂

大家通常去投注站，梗係於最少人窗口落注，務求快手搞掂！不過，今次玲玲師傅提醒大家，於幾個吉日內，應幫襯九號窗！若想夾份大包圍的話，最好同相隔六個月出生嘅人，便能互補不足，犯太歲嘅猴、虎、蛇、豬可免，相反跟羊、狗、兔、龍可以一試！

3.揀啱靚冧巴

玲玲師傅表示，3月1日為火旺，屬羊、狗、虎人士可買熱門號碼，如6、9、10、22、49等；屬鼠則因相沖，宜買冷門號碼，包括3、19、23、44、46。至於其他生肖，可選4、7、13、23、32、41、47等。

4.穿粉藍服飾

除了於吉時及有利地區投注外，再穿戴粉藍或波浪形狀衣飾，咁就更易中！

5.鼻有痣必輸

玲玲師傅表示，若你鼻上生瘡及有痣的話，中獎機會較低，倒不如將錢儲起或做善事更好！

如欲率先接收資訊，請讚好我們的FB專頁並於「已讚好」選單設定「搶先看」，多謝支持。

網址：www.facebook.com/orientalsundayhk